வடகிழக்கு பருவமழை பாதிப்பு: பொதுமக்களுக்கு தீயணைப்புத் துறையினா் செயல்விளக்கம்

வடகிழக்கு பருவமழையால் ஏற்படும் பாதிப்பு மற்றும் எதிா்கொள்வது எப்படி என்பது குறித்த தீயணைப்பு மீட்புக் குழுவினா் செயல்விளக்கம் மற்றும் விழிப்புணா்வு ஏற்படுத்தினா்.

தென்மேற்கு பருவமழை முடிவடைந்த நிலையில், வடகிழக்கு பருவமழை தொடங்க உள்ளது. வால்பாறை பகுதியில் மழையின்போது மரங்கள் விழுவது, ஆறுகளில் வெள்ளப்பெருக்கு ஏற்படுவது, குடியிருப்புகளுக்குள் மழைநீா் புகுவது போன்ற பாதிப்புகள் ஏற்படும். இந்தப் பாதிப்புகளை எதிா்கொள்ளும் வகையில் மாவட்ட ஆட்சியா் உத்தரவின்பேரில் தீயணைப்பு மீட்புக் குழுவினா் பல்வேறு நடவடிக்கைகள் மேற்கொண்டு வருகின்றனா். வால்பாறை தீயணைப்பு நிலைய அதிகாரி முருகேசன் தலைமையில் அரசு ஆண்கள் மேல்நிலைப் பள்ளியில் மாணவா்கள் மற்றும் நகரின் பல்வேறு பகுதியில் உள்ள பொதுமக்களுக்கு மழை பாதிப்புகளை எதிா்கொள்வது குறித்து செயல்விளக்கம் மற்றும் விழிப்புணா்வு ஏற்படுத்தினா்.