பவானிசாகர் வனத்தில் செந்நாய்கள் நடமாட்டம்

சத்தியமங்கலம் புலிகள் காப்பகம், பவானிசாகர் வனத்தில் செந்நாய்களின் நடமாட்டம் அதிகரித்துள்ளதாக வனத்துறையினர் தெரிவித்துள்ளனர்.

 சத்தியமங்கலம் புலிகள் காப்பகம், பவானிசாகர் வனச்சரகத்தில் ஏராளமான புலிகள்,சிறுத்தைகள், யானைகள், கழுதைப்புலிகள், செந்நாய்கள் போன்ற விலங்குகள் உள்ளன. இதில், செந்நாய்களின் எண்ணிக்கை கணிசமாக உயர்ந்துள்ளது.

 இந்நிலையில், தலமலைப் பகுதியில் இருந்து பவானிசாகர் தெங்குமரஹாடா பகுதிக்கு இடம்பெயர்ந்த செந்நாய்கள் கூட்டமாக சாலையில் நடமாடி வருகின்றன.

 தற்போது, செந்நாய்களின் இனப்பெருக்கம் அதிகரித்து வந்தாலும் பக்கத்து கிராமங்களுக்குள் அவை நுழைவதில்லை. செந்நாய் நடமாட்டத்தால் சமூக விரோதிகளின் நடமாட்டம் குறைந்துள்ளதாக வனத்துறையினர் தெரிவித்தனர்.