பெருந்துறையில் ரூ. 8.60 கோடி மதிப்பில் துணை மின் நிலையம் திறப்பு

பெருந்துறை மருத்துவக் கல்லூரி மருத்துவமனை அருகில் 3 ஏக்கர் பரப்பளவில் ரூ. 8.60 கோடி மதிப்பில், ஒருங்கிணைந்த மின் மேம்பாட்டுத் திட்டத்தின்கீழ் அமைக்கப்பட்டுள்ள 33/11 கிலோ வாட்ஸ் துணை மின் நிலையம் திறப்பு விழா புதன்கிழமை நடைபெற்றது. 
விழாவுக்கு, ஈரோடு மாவட்ட ஆட்சியர் சி.கதிரவன் தலைமை வகித்தார். மின் வாரிய தலைமைப் பொறியாளர் சாந்தி வரவேற்றார். மின் வாரிய மேற்பார்வைப் பொறியாளர் இந்திராணி திட்ட விளக்கவுரையாற்றினார். சட்டப் பேரவை உறுப்பினர் தோப்பு என்.டி.வெங்கடாச்சலம், துணை மின் நிலையத்தைத் திறந்து வைத்தார். 
இத்துணை மின் நிலையத்தால், பெருந்துறை, கருமாண்டிசெல்லிபாளையம், பெருந்துறை மருத்துவக் கல்லூரி, சிலேட்டர்புரம், மேக்கூர், கள்ளியம்புதூர் பகுதியைச் சேர்ந்த 50,000 பொதுமக்கம் பயனடைவார்கள். 
இதில், மின்வாரிய செயற்பொறியாளர் சின்னசாமி, உதவி செயற்பொறியாளர் முருகன், மருத்துவக் கல்லூரி முதல்வர் மருத்துவர் எம்.ராஜேந்திரன், பெருந்துறை ஒன்றிய செயலாளர் விஜயன், ஒன்றியக் குழு முன்னாள் தலைவர் எஸ்.பெரியசாமி உள்ளிட்டோர் கலந்துகொண்டனர்.