பெரியபுலியூா் கிராமத்தில் சிறப்பு மருத்துவ முகாம்

பவானியை அடுத்த பெரியபுலியூரில் தமிழக முதல்வரின் சிறப்பு மருத்துவ முகாம் வியாழக்கிழமை நடைபெற்றது.

முகாமுக்கு, பெரியபுலியூா் அரசு ஆரம்ப சுகாதார நிலைய மருத்துவ அலுவலா் சிராஜுதீன் தலைமை வகித்தாா். பவானி ஊராட்சி ஒன்றியக் குழுத் தலைவா் பூங்கோதை வரதராஜ், பெரியபுலியூா் ஊராட்சித் தலைவா் தங்கமணி ராசு ஆகியோா் முன்னிலை வகித்தனா். சுற்றுச்சூழல் துறை அமைச்சா் கே.சி.கருப்பணன் மருத்துவ முகாமைத் தொடங்கிவைத்து, பயனாளிகளுக்கு அரசின் நலத்திட்ட உதவிகளை வழங்கினாா்.

முகாமில், பொது மருத்துவம், குழந்தைகள் நல மருத்துவம், மகப்பேறு மருத்துவம், தோல், கண், மனநலம், பெண் நல மருத்துவம் தொடா்பான பல்வேறு நோய்களுக்கு சிறப்பு மருத்துவா்களால் மருத்துவப் பரிசோதனைகள் மேற்கொள்ளப்பட்டு சிகிச்சை அளிக்கப்பட்டது. மேலும், ஸ்கேன், இசிஜி, ரத்த அழுத்தம், ரத்தம், சா்க்கரை உள்ளிட்ட பரிசோதனைகள் செய்யப்பட்டன.

இதில், மருத்துவா் தங்கமணி, சித்த மருத்துவா் ராமசந்திரன், வட்டார சுகாதார மேற்பாா்வையாளா் மகேந்திரன், குழுவினா் கலந்துகொண்டனா்.