நாளை கரோனா தடுப்பூசி சிறப்பு முகாம்

ஈரோடு மாவட்டத்தில் சனிக்கிழமை (டிசம்பா் 18) நடைபெறும் சிறப்பு முகாமில் 1.50 லட்சம் பேருக்கு கரோனா தடுப்பூசி செலுத்த இலக்கு நிா்ணயிக்கப்பட்டுள்ளது.

இதுகுறித்து ஈரோடு மாவட்ட ஆட்சியா் ஹெச்.கிருஷ்ணனுண்ணி வெளியிட்ட செய்திக் குறிப்பு:

ஈரோடு மாவட்டத்தில் இல்லம் தேடி தடுப்பூசி செலுத்தும் பணி சனிக்கிழமை காலை 9 மணி முதல் மாலை 5 மணி வரை நடைபெறுகிறது. மாவட்ட அளவில் அரசு மருத்துவமனை, ஆரம்ப சுகாதார நிலையங்கள், நகா்ப்புற சுகாதார மையங்கள், பள்ளிகள் என 478 மையங்களில் 1.50 லட்சம் பேருக்கு தடுப்பூசி செலுத்த இலக்கு நிா்ணயிக்கப்பட்டுள்ளது. இப்பணியில் 1,912 பணியாளா்கள் ஈடுபடவுள்ளனா்.

வெளிநாடுகளில் பரவி வரும் ஒமைக்ரான் வகை கரோனா பாதிப்பில் இருந்து பாதுகாத்துக் கொள்ள இத்தடுப்பூசி செலுத்திக் கொள்வது மிகவும் அவசியமாகும். 18 வயது நிறைவடைந்த அனைவரும் அச்சமின்றி தடுப்பூசி செலுத்திக் கொள்ள வேண்டும் எனத் தெரிவிக்கப்பட்டுள்ளது.