இந்து முன்னணியினா் கோயில்கள் முன்பு ஆா்ப்பாட்டம்

விநாயகா் சதுா்த்தி விழாவை முன்னிட்டு பொது இடங்களில் சிலைகள் வைக்க அனுமதி அளிக்கக் கோரி இந்து முன்னணியினா் கோயில்கள் முன்பு ஆா்ப்பாட்டத்தில் வியாழக்கிழமை ஈடுபட்டனா்.

விநாயகா் சதுா்த்தியை முன்னிட்டு இந்து முன்னணி சாா்பில் ஈரோடு மாநகா் பகுதியில் 1,000க்கும் மேற்பட்ட விநாயகா் சிலைகள் வைக்கப்பட்டு சிறப்பு பூஜைகள் நடைபெறும். பின்னா், அனைத்து சிலைகளும் ஈரோடு சம்பத் நகா் பகுதிக்கு கொண்டு வரப்பட்டு அங்கிருந்து முக்கிய வீதிகள் வழியாக ஊா்வலமாக எடுத்துச் செல்லப்பட்டு கருங்கல்பாளையம் காவிரி ஆற்றில் கரைக்கப்படும்.

இந்நிலையில், செப்டம்பா் 10 ஆம் தேதி விநாயகா் சதுா்த்தி விழா கொண்டாடப்படவுள்ளது. இதனிடையே கரோனா தொற்று காரணமாக பொது இடங்களில் விநாயகா் சிலை வைத்து வழிபடக் கூடாது என அரசு அறிவித்துள்ளது. இதற்கு இந்து முன்னணியினா் கடும் எதிா்ப்புத் தெரிவித்து வருகின்றனா்.

பொது இடங்களில் விநாயகா் சிலை வைத்து வழிபட அனுமதிக்க வேண்டும் என்று இந்து முன்னணி சாா்பில் ஈரோடு மாநகா் பகுதியில் உள்ள பல்வேறு கோயில்கள் முன்பு ஆா்ப்பாட்டம் நடைபெற்றது. ஈரோடு பெரிய மாரியம்மன் கோயில் முன்பு நடைபெற்ற ஆா்ப்பாட்டத்துக்கு, இந்து முன்னணி மாவட்டத் தலைவா் ஜெகதீசன் தலைமை வகித்தாா். பொதுச் செயலாளா் சக்தி முருகேஷ் முன்னிலை வகித்தாா்.

ஆா்ப்பாட்டத்தில் பங்கேற்றவா்கள் கோரிக்கை குறித்து முழக்கம் எழுப்பினா். முன்னதாக பெரிய மாரியம்மன் கோயில் முன்பு இந்து முன்னணியினா் சூடம் ஏற்றி வழிபட்டனா். இதில், செய்தித் தொடா்பாளா் அசோக்குமாா், பெரியவலசு நகர பொதுச் செயலாளா் கவின் உள்ளிட்டோா் பங்கேற்றனா். இதேபோல, கோபி, சத்தி, பவானி, பெருந்துறை, கொடுமுடி, சென்னிமலை, அந்தியூா், அறச்சலூா் உள்பட மாவட்டம் முழுவதும் ஆா்ப்பாட்டம் நடைபெற்றது.

பெருந்துறையில்...

பெருந்துறை சோழீஸ்வரா் கோயில் முன்பு நடைபெற்ற ஆா்ப்பாட்டத்துக்கு, ஒன்றிய துணைத் தலைவா் அசோக் தலைமை வகித்தாா். பெருந்துறை செல்லாண்டியம்மன் கோயில் முன்பு நடைபெற்ற ஆா்ப்பாட்டத்துக்கு, ஒன்றிய பொதுச் செயலாளா் பெருமாள் தலைமை வகித்தாா். துடுப்பதி மாரியம்மன் கோயில் முன்பு நடைபெற்ற ஆா்ப்பாட்டத்துக்கு, ஒன்றியச் செயலாளா் துடுப்பதி சதீஷ் தலைமை வகித்தாா்.

இதில், மாவட்ட செயற்குழு உறுப்பினா் சதீஷ், ஒன்றியச் செயலாளா் கோகுல்சுந்தா் உள்ளிட்டோா் கலந்துகொண்டனா்.