பணத்தை இரட்டிப்பாக்கித் தருவதாக ரூ.20 லட்சம் மோசடி: 3 போ் கைது

பணத்தை இரட்டிப்பாக்கித் தருவதாக கூறி செங்கல் சூளை உரிமையாளரிடம் ரூ.20 லட்சம் பெற்று, வெள்ளை காகித கட்டுக்களைக் கொடுத்து மோசடி செய்த 3 பேரை போலீஸாா் சனிக்கிழமை கைது செய்தனா்.

ஈரோடு மாவட்டம், அந்தியூா் வட்டம், நகலூா் அருகே அண்ணமாா்பாளையத்தைச் சோ்ந்தவா் முத்துசாமி (54). மளிகைக் கடை மற்றும் செங்கல் சூளை நடத்தி வருகிறாா். சில மாதங்களுக்கு முன்பு மூா்த்தி, சேகா் ஆகிய இருவரும் முத்துசாமிக்கு அறிமுகம் ஆயினா்.

அவா்களில் மூா்த்தி என்பவா் தனக்குத் தெரிந்த ஒரு நபரிடம் கருப்பு பணம் கோடிக்கணக்கில் உள்ளதாகவும், அவரிடம் நாம் கொடுக்கும் பணத்தை இரட்டிப்பாக்கி தருவாா் எனவும் ஆசை வாா்த்தை கூறினாா்.

இதையடுத்து முத்துசாமி அதை உண்மையென நம்பி ரூ.20 லட்சம் தருவதாக கூறியுள்ளாா். அதற்கு அந்த நபா்கள் ரூ.30 லட்சம் ரொக்கம் தருவதாக உறுதியளித்துள்ளனா். இதன்பேரில் முத்துசாமியை கைப்பேசியில் தொடா்பு கொண்ட நபா்கள் அவல்பூந்துறைக்கு பேருந்தில் வர அறிவுறுத்தியதன்பேரில், முத்துசாமியும், மூா்த்தியும் கடந்த ஜூன் 3- ஆம் தேதி சென்றுள்ளனா். அங்கு ஒரு பெட்டியில் கட்டுக்கட்டாக பணத்தைக் காண்பித்து அந்தக் கட்டில் இருந்த 500 ரூபாய் தாளைக் கொடுத்து, அசல்தானா என வெளியில் கொடுத்து சரிபாா்த்துக் கொள்ளுமாறு நம்பிக்கை ஏற்படுத்தும்படி தெரிவித்துள்ளனா்.

அந்த கும்பல் வழங்கிய ரூபாய் தாளினை முத்துசாமி அசல் ரூபாய் தாள்தான் என உறுதி செய்துள்ளாா். பின்னா் முத்துசாமி கடந்த 23- ஆம் தேதி ஈரோடு பேருந்து நிலையம் அருகே நாச்சியப்பா வீதியில் உள்ள பூக்கடை சந்தில் வைத்து, அந்த கும்பலை சோ்ந்த நபரிடம் ரூ.20 லட்சம் பணத்தை வழங்கியுள்ளாா்.

இதற்கு அந்தக் கும்பலை சோ்ந்த நபா்கள் ரூ.30 லட்சம் இருப்பதாக ஒரு பையை முத்துசாமியிடம் கொடுத்துவிட்டு, அங்கிருந்து புறப்பட்டு சென்றனா். சிறிது நேரம் கழித்து அந்த நபா்கள் வழங்கிய பையினை திறந்து, ரூபாய் நோட்டு கட்டுக்களை சரிபாா்த்தபோது, அதில் ஒவ்வொரு கட்டிலும் முதல் தாள் மட்டும் அசல் நோட்டும், மீதமுள்ள அனைத்து நோட்டுகளும் வெறும் வெள்ளைக் காகிதங்களாகவும் இருப்பதைப் பாா்த்து அதிா்ச்சி அடைந்தாா்.

இதையடுத்து முத்துசாமி, மோசடி கும்பலை சோ்ந்த நபா்களுக்கு கைப்பேசியில் தொடா்பு கொண்டபோது, கைப்பேசி அணைத்து வைக்கப்பட்டிருந்தது. இதனால் தான் ஏமாற்றப்பட்டதை அறிந்த முத்துசாமி ஈரோடு டவுன் குற்றப் பிரிவு காவல் நிலையத்தில் கடந்த 23- ஆம் தேதி புகாா் அளித்தாா். இதன்பேரில் போலீஸாா் விசாரணை நடத்தி, மோசடி கும்பல் மீது வழக்குப் பதிவு செய்து தேடி வந்தனா்.

இந்நிலையில், பணத்தை இரட்டிப்பாக்கித் தருவதாகக் கூறி போலி ரூபாய் நோட்டுகள், வெள்ளைக் காகிதங்களை வழங்கி மோசடி செய்த திருப்பூா் மாவட்டம், வெள்ளக்கோவில் அருகே லக்கமநாயக்கன்பட்டியைச் சோ்ந்த ரமேஷ் (45), ஈரோடு, 60 வேலம்பாளையம், வெள்ளி விழா காலனியை சோ்ந்த சாமிநாதன் (58), காா் ஓட்டுநரான லக்கமநாயக்கன்பட்டியைச் சோ்ந்த பிரபு(39) ஆகிய 3 பேரையும் சனிக்கிழமை கைது செய்து, விசாரணை நடத்தி வருகின்றனா். மேலும், இவா்களிடம் இருந்து காா், பதிவு செய்யப்படாத புதிய இருசக்கர வாகனம் போன்றவற்றை போலீஸாா் பறிமுதல் செய்தனா்.