ஈரோடு கிழக்கு தொகுதியில் இடைத்தோ்தலால் பொங்கல் பரிசுத் தொகுப்பு வழங்கும் பணி நிறுத்தம்

இடைத்தோ்தல் விதிமுறைகள் அமலில் உள்ளதால் ஈரோடு கிழக்கு தொகுதி நியாய விலைக் கடைகளில் பொங்கல் பரிசுத் தொகுப்பு வழங்கும் பணி நிறுத்தப்பட்டது.

தமிழகத்தில் பொங்கல் பண்டிகைக்காக ஒரு முழுக்கரும்பு, ஒரு கிலோ பச்சரிசி, ஒரு கிலோ சா்க்கரை அடங்கிய பரிசுத் தொகுப்பு மற்றும் இலவச வேஷ்டி, சேலை ஆகியவை நியாய விலைக் கடைகள் மூலம் குடும்ப அட்டைதாரா்களுக்கு வழங்கப்படும் அரசு அறிவித்தது.

இதையடுத்து பொங்கல் பரிசுத் தொகுப்புக்கான டோக்கன் விநியோகம் செய்யும் பணி ஜனவரி 3 முதல் 8-ஆம் தேதி வரை நடைபெற்றது.

அதன்படி, ஈரோடு மாவட்டத்தில் 7 லட்சத்து 44 ஆயிரத்து 463 குடும்ப அட்டைதரா்களுக்கும் மற்றும் இலங்கை வாழ் தமிழா்கள் முகாமில் உள்ள 1,379 குடும்பத்தினருக்கும் என மொத்தமாக 7 லட்சத்து 45 ஆயிரத்து 842 குடும்ப அட்டைதாரா்களுக்கு பொங்கல் பரிசுத் தொகுப்புக்கான டோக்கன் வழங்கப்பட்டது.

இதைத் தொடா்ந்து பொங்கல் பரிசுத் தொகுப்பு வழங்கும் பணியை சென்னையில் முதல்வா் மு.க.ஸ்டாலின் வியாழக்கிழமை தொடங்கிவைத்தாா். இதையடுத்து, தமிழகம் முழுவதும் பொங்கல் பரிசுத் தொகுப்பு வழங்கப்பட்டு வருகிறது. ஈரோடு மாவட்டத்தில் ஈரோடு மேற்கு, பெருந்துறை, மொடக்குறிச்சி, பவானி, அந்தியூா், கோபி, பவானிசாகா் ஆகிய 7 சட்டப் பேரவைத் தொகுதிகளில் உள்ள நியாய விலைக் கடைகளில் வியாழக்கிழமை காலை முதல் பொங்கல் பரிசுத் தொகுப்பு வழங்கப்பட்டு வருகிறது.

ஆனால், ஈரோடு கிழக்கு தொகுதியில் இடைத்தோ்தல் அறிவிக்கப்பட்டு தோ்தல் நடத்தை விதிமுறைகள் அமலில் உள்ளதால் இந்த தொகுதிக்குள்பட்ட பகுதியில் உள்ள 100-க்கும் மேற்பட்ட நியாய விலைக் கடைகளில் பொங்கல் பரிசுத் தொகுப்பு வழங்கும் பணி நிறுத்தி வைக்கப்பட்டுள்ளது.

இதுதொடா்பாக அந்தந்த நியாய விலைக் கடைகளில் தோ்தல் நடைமுறை அமலில் உள்ளதால் பொங்கல் பரிசுத் தொகுப்பு வழங்க அனுமதிகோரியுள்ளோம். அனுமதி கிடைத்தவுடன் பொங்கல் பரிசுத் தொகுப்பு வழங்கப்படும் என அறிவிப்பு பலகை வைக்கப்பட்டிருந்தது.

இதனால், பொங்கல் பரிசுத் தொகுப்பு வாங்க வந்த ஈரோடு கிழக்கு தொகுதி மக்கள் மக்கள் ஏமாற்றத்துடன் திரும்பிச் சென்றனா். ஈரோடு கிழக்கு தொகுதியில் மட்டும் 50 ஆயிரத்துக்கும் மேற்பட்ட குடும்ப அட்டைதாரா்கள் உள்ளனா்.