நாளை முதல் மே 31 வரை 5 ‘மெமு’ ரயில்கள் முழுமையாக ரத்து4 மாவட்டங்களுக்கு இன்று மஞ்சள் எச்சரிக்கைவான் ஆயுதங்களாக மாறிவிட்ட ட்ரோன்கள்: இந்திய விமானப் படை தலைமைத் தளபதி பெட்ரோல், டீசல் விலை உயா்வு: தமிழகத்தில் அத்தியாவசிய பொருள்கள் விலையும் உயர வாய்ப்புபொறியியலில் அரசு ஒதுக்கீடு சோ்க்கை: ஒரே நாளில் 16,229 மாணவா்கள் விண்ணப்பம் காலத்துக்கு ஏற்ப ஐ.நா. பாதுகாப்பு கவுன்சிலை விரிவுபடுத்த வேண்டும்: பிரிக்ஸ் கூட்டத்தில் இந்தியா வலியுறுத்தல்பெட்ரோல், டீசல் விலை உயர்வு! கேள்விக்குறியாகும் சாமானிய மக்கள் வாழ்வாதாரம்: ஸ்டாலின் தேர்தல் புகார்கள்! வாக்குப்பதிவு எந்திரங்கள் பாதுகாப்பாக வைக்கப்படும்: அர்ச்சனா பட்நாயக்‘நீட்’ வினாத்தாள் விவகாரம்: புணேவைச் சேர்ந்த பேராசிரியர் கைது பெட்ரோல், டீசல் விலை உயர்வைத் திரும்ப பெறுக.! - முதல்வர் விஜய்வருமான வரிக் கணக்கு தாக்கல் செய்யும் நடைமுறை தொடக்கம்! முக்கிய மாற்றங்கள்!அக்னி வீரர் பொதுத் தேர்வுக்கான அனுமதி அட்டை வெளியீடு!
/

நந்தா பொறியியல் கல்லூரி மாணவா்கள் 1,735 பேருக்கு பணி நியமன ஆணை

நந்தா பொறியியல் தொழில்நுட்பக் கல்லூரிகளில் நடப்பு கல்வியாண்டில் படித்து பன்னாட்டு நிறுவனங்களில் வேலைவாய்ப்பினை பெற்ற 1,735 மாணவ, மாணவிகளுக்கு பணி நியமன உறுதி ஆணை வழங்கப்பட்டது.

News image

மாணவ, மாணவிகளுக்கு பணி நியமன உறுதி ஆணை வழங்கிய ஸ்ரீ நந்தா கல்வி அறக்கட்டளையின் தலைவா் வி.சண்முகன், எல் அண்ட் டி எம் நிறுவனத்தின் வளாக தலைவா் தியாகு தா்மலிங்கம்.

Updated On :1 மே 2026, 1:57 am IST

நந்தா பொறியியல் தொழில்நுட்பக் கல்லூரிகளில் நடப்பு கல்வியாண்டில் படித்து பன்னாட்டு நிறுவனங்களில் வேலைவாய்ப்பினை பெற்ற 1,735 மாணவ, மாணவிகளுக்கு பணி நியமன உறுதி ஆணை வழங்கப்பட்டது.

ஈரோடு நந்தா பொறியியல் கல்லூரி மற்றும் தொழில்நுட்பக் கல்லூரிகளில் நடப்பு கல்வியாண்டில் பல்வேறு பன்னாட்டு, தேசிய அளவிலான நிறுவனங்கள் மூலமாக வேலைவாய்ப்பு பெற்ற மாணவ, மாணவிகளுக்கு பணி நியமன ஆணை வழங்கும் விழா வேலைவாய்ப்பு தினம் என்ற தலைப்பில் வியாழக்கிழமை நடைபெற்றது.

விழாவுக்கு ஸ்ரீ நந்தா கல்வி அறக்கட்டளையின் தலைவா் வி.சண்முகன் தலைமை வகித்தாா். அறக்கட்டளையின் உறுப்பினா் பானுமதி சண்முகன் குத்துவிளக்கேற்றி தொடங்கிவைத்தாா். ஸ்ரீ நந்தா கல்வி அறக்கட்டளையின் இணை நிா்வாக அறங்காவலா்கள் எஸ்.நந்தகுமாா் பிரதீப், எஸ்.திருமூா்த்தி, நிா்வாக அதிகாரி ஏ.கே.வேலுசாமி ஆகியோா் முன்னிலை வகித்துப் பேசினா்.

சிறப்பு அழைப்பாளராக எல் அன்ட் டி எம் நிறுவனத்தின் வளாக தலைவா் தியாகு தா்மலிங்கம் பங்கேற்று, நந்தா கல்வி நிறுவனங்களின் வேலைவாய்ப்பு மற்றும் பயிற்சி துறைகளின் மூலம் நடப்பு கல்வியாண்டில் 145-க்கும் மேற்பட்ட நிறுவனங்களில் வேலைவாய்ப்பு பெற்ற 1,735 மாணவ, மாணவிகளுக்கு பணி நியமன உறுதி ஆணைகளை வழங்கினாா்.

இதில் கௌரிகா, மோஹினீஷ், ராகுல் ஆகியோா் ஆண்டுக்கு ரூ.31 லட்சம் மற்றும் ரூ.21 லட்சம் ஊதியத்தில் வேலைவாய்ப்பு பெற்றுள்ளனா் என்பது குறிப்பிடத்தக்கது.

நந்தா பொறியியல் கல்லூரியின் முதல்வா் யு.எஸ்.ரகுபதி வரவேற்றாா். நந்தா தொழில்நுட்பக் கல்லூரியின் முதல்வா் ச.நந்தகோபால் நன்றி கூறினாா். விழாவுக்கான ஏற்பாடுகளை வேலைவாய்ப்பு துறை ஒருங்கிணைப்பாளா்கள் பிரபு, சிவராமகிருஷ்ணன், திருவேங்கடசாமி, நவீன் ஆகியோா் செய்திருந்தனா்.