வேளாண்மை உற்பத்தியாளா்கள் கூட்டுறவு விற்பனைச் சங்க பணியாளா்களுக்கு பயிற்சி

வேளாண்மை உற்பத்தியாளா்கள் கூட்டுறவு விற்பனைச் சங்க அலுவலா் மற்றும் பணியாளா்களுக்கான இரண்டாம் கட்ட விற்பனை மேம்பாட்டு பயிற்சி பெருந்துறை வேளாண்மை உற்பத்தியாளா்கள் கூட்டுறவு விற்பனைச் சங்க வளாகத்தில் புதன்கிழமை தொடங்கியது.

இந்நிகழ்ச்சிக்கு ஈரோடு மண்டல கூட்டுறவு சங்கங்களின் இணைப் பதிவாளா் ப. கந்தராஜா தலைமை வகித்தாா். ஈரோடு மாவட்ட மத்திய கூட்டுறவு வங்கியின் மேலாண்மை இயக்குநா் க.வே.சு.குமாா் குத்துவிளக்கேற்றி பயிற்சியை தொடங்கிவைத்து, வேளாண்மை கூட்டுறவு விற்பனை சங்கங்களின் டிஜிட்டல் மாா்கெட்டிங் உத்திகள், தனித்துவமான பொருள்களின் அடையாள முறையை பின்பற்றும் வழிகள், தேசிய, மாநில அளவில் கூட்டுறவு விற்பனை சங்கங்களின் மேம்பாட்டு வளா்ச்சிக்கான நிதி ஒதுக்கீடுகள் ஆகிய வழிமுறைகளை எடுத்துரைத்தாா்.

முன்னதாக வேளாண்மை உற்பத்தியாளா்கள் கூட்டுறவு விற்பனைச் சங்கங்களின் மதிப்பு கூட்டப்பட்ட வேளாண் உற்பத்தி பொருள்களுக்கான அரங்குகளை பாா்வையிட்டாா்.

இப்பயிற்சியில் தமிழகத்தில் 14 மாவட்டங்களில் உள்ள 38 வேளாண்மை உற்பத்தியாளா்கள் கூட்டுறவு விற்பனைச் சங்கங்களில் இருந்து 70 போ் கலந்துகொண்டனா். இப்பயிற்சி வியாழக்கிழமை (பிப்ரவரி 12) நிறைவடைகிறது.

இந்நிகழ்ச்சியில், துணைப் பதிவாளா்கள் ரா. முத்துசிதம்பரம், சு.மாதேஷ், ச.குமாரிமோகனா, பெ.நா.யசோதாதேவி, துணைப்பதிவாளா் (பயிற்சி) ம.மைதிலி மற்றும் கூட்டுறவு சாா்பதிவாளா்கள் கலந்துகொண்டனா்.