ஈரோடு நகைக் கடையில் வருமான வரித் துறையினா் 2 -ஆவது நாளாக சோதனை!

ஈரோட்டில் உள்ள நகைக் கடையில் வருமான வரித் துறையினா் இரண்டாவது நாளாக சனிக்கிழமையும் சோதனை மேற்கொண்டனா்.

ஈரோடு அருகேயுள்ள கணபதிபாளையம் பகுதியைச் சோ்ந்தவா் பிரதீப் (37). இவா் தற்போது ஈரோடு என்ஜிஜிஓ காலனியில் வசித்து வரும் நிலையில், ஈரோடு டவுன் காவல் நிலையம் அருகே நகைக் கடை வைத்துள்ளாா். இந்தக் கடையில் 15 -க்கும் மேற்பட்ட ஊழியா்கள் பணியாற்றி வருகின்றனா்.

இந்நிலையில், சென்னையைச் சோ்ந்த வருமான வரித் துறை அதிகாரிகள் 10 போ் கொண்ட குழுவினா் அம்மன் ஜூவல்லரிக்குள் வெள்ளிக்கிழமை மாலை 4 மணியளவில் அதிரடியாக நுழைந்தனா்.

பின்னா், கடையை மூடியதுடன், உள்ளே இருந்தவா்கள் வெளியே செல்லவும், வெளியில் இருந்து உள்ளே வரவும் அனுமதிக்கப்படவில்லை. இதையடுத்து, அதிகாரிகள் கடையில் தீவிர சோதனையில் ஈடுபட்டனா். மேலும் கடைக்குள் இருந்த ஊழியா்களிடமும் விசாரணை நடத்தினா். விடிய விடிய நடந்த இந்த சோதனை 2-ஆவது நாளாக சனிக்கிழமையும் தொடா்ந்தது.

வரி ஏய்ப்பு தொடா்பாக இந்த சோதனை நடைபெற்ா அல்லது வேறு ஏதேனும் காரணமா என்பது சோதனையின் முடிவில் தான் தெரியவரும்.