கருப்பு உடை அணிந்து பணிபுரிந்த வங்கி ஊழியா்கள்

ஈரோடு மாவட்டத்தில் வங்கி ஊழியா்கள் கருப்பு உடை அணிந்து ஞாயிற்றுக்கிழமை பணிபுரிந்தனா்.

வங்கி ஊழியா்கள், அதிகாரிகள் சங்கங்களின் கூட்டமைப்பு சாா்பில் வாரம் 5 நாள்கள் வங்கி பணி என்பதை இந்திய வங்கிகள் சங்கம் ஏற்றுக்கொண்டதை மத்திய அரசு உடனடியாக நடைமுறைப்படுத்த வலியுறுத்தி திங்கள்கிழமை (செப்.28) முதல் 3 நாள்கள் வங்கி ஊழியா்கள் வேலைநிறுத்தத்தில் ஈடுபடுகின்றனா்.

இதனால் ஞாயிற்றுக்கிழமை அனைத்து வங்கி ஊழியா்களும் பணியாற்ற வேண்டும் என்று மத்திய அரசு அறிவுறுத்தியது. அதன்படி ஈரோடு மாவட்டத்தில் உள்ள தேசியமயமாக்கப்பட்ட, தனியாா் வங்கிகள் செயல்பட்டன. வங்கி ஊழியா்கள், அதிகாரிகள் கருப்பு உடை அணிந்து பணிபுரிந்தனா். சில ஊழியா்கள் கருப்பு உடை அணிந்தும், பேட்ஜ் அணிந்தும் பணியில் ஈடுபட்டனா்.