சம்பள பாக்கியை வழங்கக் கோரி எஸ்டேட் தொழிலாளர்கள் போராட்டம்

பந்தலூரில் தனியார் எஸ்டேட் தொழிலாளர்கள் சம்பள பாக்கியை வழங்க வலியுறுத்தி புதன்கிழமை வேலைநிறுத்தப் போராட்டத்தில் ஈடுபட்டனர்.
பந்தலூர் பகுதியிலுள்ள தனியார் எஸ்டேட் நிர்வாகம் ஒன்று கடந்த இரண்டு மாதங்களாக அங்கு பணிபுரியும் தொழிலாளர்களுக்கு சம்பளம் வழங்கவில்லை. அதைக்  கண்டித்தும், உடனே நிலுவைத் தொகையுடன் அனைத்து சம்பள பாக்கியையும் வழங்க வலியுறுத்தியும், எஸ்டேட் தொழிலாளர்கள் வேலை நிறுத்தம் செய்தனர். தவிர, மேற்படி எஸ்டேட் வாயிலில் போராட்டத்தில் ஈடுபட்டனர்.