நீலகிரியில் எம்ஜிஆர் நினைவு தினம்

தமிழக முன்னாள் முதல்வர் எம்ஜிஆர் நினைவு தினத்தையொட்டி கோத்தகிரியில் உள்ள அவரது  உருவச் சிலைக்கு அதிமுகவினர் மாலை அணிவித்து அஞ்சலி செலுத்தினர்.
நீலகிரி   மாவட்டத்தில்  பல்வேறு  பகுதிகளில் எம்.ஜி.ஆர். நினைவு தினம்  அனுசரிக்கப்பட்டது. கோத்தகிரியில் நடைபெற்ற  இந்நிகழ்ச்சிக்கு மாவட்ட அதிமுக செயலாளரும், மாநிலங்களவை உறுப்பினருமான  கே.ஆர். அர்ஜுனன் தலைமைத் தாங்கினார்.  அவைத் தலைவரும், மக்களவை உறுப்பினருமான  சி . கோபாலகிருஷ்ணன்,  குன்னூர் சட்டப் பேரவை  உறுப்பினரும், அம்மா பேரவை மாவட்டச் செயலாளருமான சாந்தி ராமு  ஆகியோர் முன்னிலை வகித்தனர். கோத்தகிரி டானிங்டன் பகுதியில் உள்ள எம்ஜிஆர் சிலைக்கு அதிமுகவினர் மாலை  அணிவித்து மரியாதை செலுத்தினர்.
உதகை காபி ஹவுஸ் பகுதியில் எம்ஜிஆர் திருவுருவப் படத்துக்கு அதிமுக நகரச் செயலாளர் சண்முகம்  தலைமையில்  அதிமுகவினர் மாலை அணிவித்து மரியாதை செலுத்தினர். 
குன்னூர் அண்ணா சிலை அருகில்   வைக்கப்பட்டிருந்த எம்ஜிஆர் உருவப்படத்துக்கு  அதிமுக நகரச் செயலாளர் டி.சரவணகுமார் உள்பட கட்சி நிர்வாகிகள் மாலை  அணிவித்து  மரியாதை செலுத்தினர்.