வாக்காளா் பட்டியல் திருத்த முகாம்: ஆட்சியா் ஆய்வு

நீலகிரி மாவட்டத்தில் நடைபெற்ற வாக்காளா் பட்டியல் சிறப்பு சுருக்க முறை திருத்தம் தொடா்பான முகாம்களில் பெயா் சோ்த்தல், நீக்கல் உள்ளிட்ட பல்வேறு காரணங்களுக்காக இதுவரை 14,142 போ் விண்ணப்பித்துள்ளனா் என மாவட்ட ஆட்சியா் இன்னசென்ட் திவ்யா கூறினாா்.

உதகை சட்டப்பேரவைத் தொகுதிக்கு உள்பட்ட ஜோசப் கல்வியியல் கல்லூரி மற்றும் தெரசா பள்ளி ஆகிய வாக்குச்சாவடி மையங்களில் நடைபெற்ற வாக்காளா் பட்டியல் சிறப்பு சுருக்க முறை திருத்தம் தொடா்பான முகாமை மாவட்ட ஆட்சியா் இன்னசென்ட் திவ்யா ஞாயிற்றுக்கிழமை நேரில் பாா்வையிட்டு ஆய்வு செய்தாா். பின் செய்தியாளா்களிடம் அவா் கூறியதாவது:

நீலகிரி மாவட்டத்தில் உள்ள உதகை, கூடலூா், குன்னூா் ஆகிய சட்டப்பேரவைத் தொகுதிகளுக்கு உள்பட்ட வாக்குச்சாவடிகளில் சிறப்பு சுருக்க முறை திருத்தம் தொடா்பான முகாம்கள் நடைபெறுகிறது. புதிய வாக்காளா்கள் ஆா்வத்துடன் முன்வந்து அவரவா் பெயா்களை வாக்காளா் பட்டியலில் சோ்க்க விண்ணப்பம் வழங்கியுள்ளனா்.

ஏற்கெனவே சிறப்பு சுருக்க முறை திருத்தம் தொடா்பான பணிகள் மேற்கொள்ளப்பட்டதில் முகவரி மாற்றம் மற்றும் இறந்துவிட்ட காரணத்தால் பல்வேறு வாக்காளா்களின் பெயா்கள் வாக்காளா் பட்டியலிலிருந்து நீக்கப்பட்டனா். தற்போது 18 வயது பூா்த்தியடைந்தவா்கள் வாக்காளா் பட்டியலில் பெயா் சோ்ப்பதற்காக தாமாக முன்வந்து விண்ணப்பம் சமா்ப்பித்துள்ளனா். பெயா் நீக்கம் செய்வதற்காக 1,068 பேரும், முகவரி மாறுதலுக்காக 1,838 பேரும் விண்ணப்பித்துள்ளனா்.

மாவட்டத்தில் இதுவரை 14,142 போ் வாக்காளா் பட்டியலில் பெயா் சோ்த்தல், நீக்குதல் உள்ளிட்ட பல்வேறு காரணங்களுக்காக விண்ணப்பங்களை வழங்கியுள்ளனா். மாவட்டத்தில் வட்டாட்சியா் அலுவலகங்கள், வருவாய் கோட்டாட்சியா் அலுவலகங்களில் இம்மாதம் 14 மற்றும் 15ஆம் தேதிகளிலும் விண்ணப்பங்கள் வழங்கலாம் என்பதால் இந்த வாய்ப்பை பொதுமக்கள் பயன்படுத்திக் கொள்ள வேண்டும் என்றாா்.

ஆய்வின்போது உதகை உதவி ஆட்சியா் மோனிகா ரானா, உதகை நகராட்சி ஆணையா் சரஸ்வதி, உதகை வட்டாட்சியா் குப்புராஜ் உள்ளிட்ட அரசுத் துறை அலுவலா்கள் பலா் உடனிருந்தனா்.