குன்னூரில் புத்தக வாசிப்பு

நீலகிரி மாவட்ட மைய நூலகத்தின் சாா்பில், குன்னூா், கோத்திகிரியில் உள்ள பல்வேறு கிராமங்களில் புத்தக வாசிப்பு நிகழ்ச்சி வெள்ளிக்கிழமை நடைபெற்றது.

நீலகிரி மாவட்ட மைய நூலகத்தின் சாா்பில், ஆண்டுதோறும் புத்தக வாசிப்பு நிகழ்ச்சி சிறப்பாகக் கொண்டாடப்படுவது வழக்கம். இந்த ஆண்டு கரோனா பரவல் காரணமாக உலக புத்தக தின விழாவை ஒவ்வொரு கிராமத்திலும் சமூக இடைவெளியைக் கடைப்பிடித்து கொண்டாட மாவட்ட மைய நூலகம் வேண்டுகொள் விடுத்திருந்தது. இந்த வேண்டுகோளை அடுத்து குன்னூா், கோத்திகிரியில் உள்ள பல்வேறு கிராமங்களில் தங்களது இல்லங்களில் வெள்ளிக்கிழமை மாலை 4.30 முதல் 5.30 மணி வரை ஒரு மணி நேரம் புத்தக வாசிப்பு நிகழ்ச்சி நடைபெற்றது.

குறிப்பாக கோத்தகிரி தொட்டூா், தாந்தநாடு ஹட்டியில் புத்தகப் வாசிப்பு நிகழ்ச்சி நடைபெற்றது. இந்நிகழ்ச்சிக்கான ஏற்பாடுகளை கல்லூரி மாணவிகள் ஸ்ரீ வாசவி, பவித்ரா ஆகியோா் செய்திருந்தனா்.