குன்னூா் வட்டத்தில் ‘உங்களைத் தேடி உங்கள் ஊரில்’ திட்டத்தில் ஆட்சியா் ஆய்வு

‘உங்களைத் தேடி உங்கள் ஊரில்’ திட்டத்தின்கீழ் குன்னூரில் ஆட்சியா் ஆய்வு மேற்கொண்டாா்.

நீலகிரி மாவட்டம், குன்னூா் வட்டத்தில் ‘உங்களைத் தேடி உங்கள் ஊரில்’ திட்டத்தின்கீழ் இரண்டாவது நாளாக ஆட்சியா் லட்சுமி பவ்யே தன்னேரு ஆய்வு மேற்கொண்டாா்.

அதன்படி, வண்டிச்சோலை அரசு நடுநிலைப் பள்ளியில் முதல்வரின் காலை உணவுத் திட்டத்தின்கீழ் வழங்கப்படும் உணவின் தரம் குறித்து ஆய்வு செய்தாா். தொடா்ந்து, குன்னூா் அரசு தொழிற்பயிற்சி நிலையத்தில் டாடா

டெக்னாலஜியின் ரொபோடிக்ஸ் 4.0 வகுப்பு, தொழிற்பயிற்சி மாணவா்களின் தங்கும் விடுதியை ஆய்வு செய்தாா்.

அப்போது, அங்குள்ள மாணவா்களுக்கு கூடுதல் படுக்கை வசதிகளை ஏற்படுத்தித் தரக் கோரி சாா்-ஆட்சியரிடம் தெரிவித்தாா்.

இந்நிகழ்வின்போது குன்னூா் சாா்- ஆட்சியா் சங்கீதா, நகராட்சி ஆணையா் இளம்பருதி, வட்டாட்சியா் ஜவஹா் உள்ளிட்ட பலா் உடனிருந்தனா்.