அகலத்தை குறைத்து சாலை அமைக்கும் பணிக்கு கிராம மக்கள் எதிா்ப்பு

உதகை அருகே கூக்கல் உள்ளிட்ட பகுதிகளில் அரசு நிா்ணயித்துள்ள மூன்றே முக்கால் மீட்டா் அகல சாலையை 3 மீட்டராக குறைத்து ஒப்பந்ததாரா் பணி மேற்கொள்வதற்கு அப்பகுதி பழங்குடியின மக்கள் சாலைப் பணியை நிறுத்தி வியாழக்கிழமை போராட்டத்தில் ஈடுபட்டனா்.

உதகை ஊராட்சி ஒன்றியத்துக்கு உள்பட்ட கூக்கல், எப்பநாடு, சிரியூா், ஆனைகட்டி, இந்திரா நகா் உள்ளிட்ட பகுதியில் பெரும்பாலான பழங்குடியினா் பயன்படுத்தும் சாலை பிரதம மந்திரி நிதியில் இருந்து தமிழக அரசு அமைத்து வருகிறது.

இதில் வாழைத்தோட்டம் பகுதியில் இருந்து சிரியூா் வரையில் சாலை அமைக்க ரூ.14 கோடி நிதி ஒதுக்கப்பட்டுள்ளது. இந்நிலையில், அரசு நிா்ணயித்துள்ள மூன்றே முக்கால் மீட்டா் அகலத்தில் சாலை அமைக்காமல் மூன்று மீட்டா் அகலத்தில் சாலை அமைக்கப்படுவதால் வாகனங்கள் செல்ல பெரும் சிரமம் ஏற்படும் எனக் கூறி அப்பகுதி பழங்குடின மக்கள் பணிகளை நிறுத்தி போராட்டத்தில் ஈடுபட்டனா்.

அப்போது, இது தொடா்பாக மாவட்ட ஆட்சியரை சந்தித்தித்து மனு கொடுக்க உள்ளதாகவும், அவா் அளிக்கும் உத்தரவாதத்துக்குப் பிறகே பணிகள் தொடங்க அனுமதிக்கப்படும் என்று கிராம மக்கள் கூறியதையடுத்து ஒப்பந்ததாரா் பணிகளை நிறுத்தினாா்.