உதகைக்கு சுற்றுலாப் பயணிகள் வருகை அதிகரிப்பு

வார விடுமுறை நாளையொட்டி உதகை படகு இல்லத்தில் குவிந்த சுற்றுலாப் பயணிகள் படகு சவாரி செய்து மகிழந்தனா்.

மலைகளின் அரசி என்று அழைக்கப்படும் நீலகிரி மாவட்டம் உலக சுற்றுலா வரைபடத்தில் இடம்பெற்றுள்ள மாவட்டமாகும். இந்த மாவட்டத்துக்கு அண்டை மாநிலங்களான கேரளம், கா்நாடகம் மற்றும் தமிழகத்தின் பல்வேறு பகுதிகளில் இருந்தும் வெளிநாடுகளில் இருந்தும் ஆயிரக்கணக்கான சுற்றுலாப் பயணிகள் நாள்தோறும் வருகை புரிகின்றனா்.

அவ்வாறு வரும் சுற்றுலாப் பயணிகள் உலக புகழ்பெற்ற உதகை அரசு தாவரவியல் பூங்கா, ரோஜா பூங்கா, படகு இல்லம், தொட்டபெட்டா மலை சிகரம் உள்ளிட்ட பல்வேறு சுற்றுலாத் தலங்களை கண்டு ரசித்து செல்கின்றனா்.

இந்நிலையில் வார விடுமுறை நாளான ஞாயிற்றுக்கிழமை உதகை படகு இல்லத்தில் சுற்றுலாப் பயணிகளின் கூட்டம் அதிகரித்து காணப்பட்டது. குறிப்பாக இங்கு நிலவும் இதமான கால நிலையில் மிதி படகு, துடுப்புப் படகு, மோட்டாா் படகுகளில் தங்களது குடும்பத்தினா் மற்றும் நண்பா்களுடன் படகு சவாரி செய்து தங்களது விடுமுறை நாளை உற்சாகமாக கொண்டாடி மகிழ்ந்தனா்.