இன்று மக்களைத் தேடி வருவாய்த் திட்ட முகாம்

திருப்பூர் மாவட்டத்தில் பல்வேறு பகுதிகளில் மக்களைத் தேடி வருவாய்த் திட்ட முகாம் வெள்ளிக்கிழமை நடைபெறுகிறது.

முகாம் நடைபெறும் இடங்கள் குறித்த விவரம் வருமாறு:

திருப்பூர் தெற்கு தாலுகாவில் தொங்குட்டிபாளையம், மசநல்லாம்பாளையம் ஊராட்சி ஒன்றிய தொடக்கப் பள்ளி, திருப்பூர் வடக்கு தாலுகாவில் பொங்குபாளையம் ஊராட்சி மன்றக் கட்டட வளாகம், அவிநாசி தாலுகாவில் பெருமாநல்லூர் கிராம நிர்வாக அலுவலகம், ஊத்துக்குளி தாலுகாவில் விருமாண்டம்பாளையம் கிராம நிர்வாக அலுவலகம், பல்லடம் தாலுகாவில் காட்டுப்புதூர் ஊராட்சி ஒன்றியத் தொடக்கப் பள்ளி, தாராபுரம் தாலுகாவில் நல்லாம்பாளையம் கிராம நிர்வாக அலுவலகம், காங்கயம் தாலுகாவில் காங்கயம்பாளையம் கிராம நிர்வாக அலுவலகம், வட்டமலை கிராம நிர்வாக அலுவலகம், உடுமலை தாலுகாவில் வடபூதி நத்தம் ஊராட்சி மன்றக் கட்டட வளாகம், மடத்துக்குளம் தாலுகாவில் கடத்தூர் அரசு உயர்நிலைப் பள்ளி ஆகிய இடங்களில் காலை 11 முதல் பிற்பகல் 3 மணி வரை மக்களைத் தேடி வருவாய்த் திட்ட முகாம் நடைபெறும்.

இதில், பொதுமக்கள் பங்கேற்றுப் பயனடைலாம் என மாவட்ட நிர்வாகம் அறிவுறுத்தியுள்ளது.