திருக்குறள் ஒப்பித்தல் போட்டியில் விருது பெற்றவர்களுக்குப் பாராட்டு

திருக்குறள் ஒப்பித்தல் போட்டியில் விருது பெற்ற திருப்பூரைச் சேர்ந்த மாணவ, மாணவிக்கு மாவட்ட ஆட்சியர் வியாழக்கிழமை பாராட்டு தெரிவித்தார்.

சமீபத்தில் நடைபெற்ற திருக்குறள் ஒப்பித்தல் போட்டியில் 133 மாணவர்கள் தேர்வு செய்யப்பட்டு அவர்களுக்கு நாடாளுமன்ற வளாகத்தில் விருதுகள் வழங்கப்பட்டன.

இதில், திருப்பூர் மாவட்டம், பாளையக்காடு, எம்.என்.சிக்கண்ண செட்டியார் மெட்ரிக் பள்ளியில் 8-ஆம் வகுப்பு படிக்கும் கே.ஓவியா மற்றும் அவிநாசியில் உள்ள அவிநாசி கல்வி நிலையத்தில் 10-ஆம் வகுப்பு படிக்கும் எஸ்.ஹரிகிருஷ்ணன் ஆகியோர் விருது பெற்றனர்.விருது பெற்ற இருவரையும் மாவட்ட ஆட்சியர் ச.ஜெயந்தி வியாழக்கிழமை ஆட்சியர் அலுவலகத்துக்கு நேரில் அழைத்துப் பாராட்டினார். இந்நிகழ்ச்சியில், மாவட்ட முதன்மைக் கல்வி அலுவலர் ஆர்.முருகன் மற்றும் மாணவர்களின் பெற்றோர் பங்கேற்றனர்.