சாலை விபத்தில் தொழிலாளி சாவு

வெள்ளக்கோவில் அருகே புதன்கிழமை நிகழ்ந்த சாலை விபத்தில் தொழிலாளி உயிரிழந்தார்.
வெள்ளக்கோவில், உப்புப்பாளையம் சாலை காந்தி நகரைச் சேர்ந்தவர் வி.பி.கதிரவன் (54). இவர் காங்கயம் சாலை இரட்டைக்கிணறு பகுதியில் உள்ள தனியார் பிஸ்கெட் கம்பெனியில் வேலை செய்துவந்தார்.
அங்கிருந்து இருசக்கர வாகனத்தில் வீட்டுக்கு வந்து கொண்டிருந்த போது,  எதிரே வந்த கார் கதிரவன் வந்த இருசக்கர வாகனத்தின் மீது மோதியது. இதில் பலத்த காயமடைந்த அவர் ஈரோடு தனியார் மருத்துவமனையில் அனுமதிக்கப்பட்டு, அங்கு உயிரிழந்தார். இதுகுறித்து வெள்ளக்கோவில் காவல் உதவி ஆய்வாளர் முரளிதரன் வழக்குப் பதிவு செய்து விசாரணை நடத்தி வருகிறார்.