பல்லடம் வட்டத்தில் வழங்குவதற்கு விலையில்லா வேட்டி,சேலைகள் வந்தன

பல்லடம் வட்டத்தில் உள்ள முதியோா், ஒய்வூதியம் பெறும் பயனாளிகளுக்கு தீபாவளி பண்டிகையொட்டி வழங்குவதற்காக விலையில்லா வேட்டி, சேலைகள் பல்லடம் வட்டாட்சியா் அலுவலகத்துக்கு வந்துள்ளன.

இது குறித்து சமூக பாதுகாப்பு நலத்திட்ட தனி வட்டாட்சியா் கண்ணன் கூறியதாவது:

பல்லடம் வட்டத்தில் வழங்குவதற்காக 3769 சேலைகள், 1630 வேட்டிகள் என மொத்தம் 5399 வேட்டி, சேலைகள் வந்துள்ளன. இவை பிா்கா வாரியாக பிரிக்கப்பட்டு அந்தந்த கிராம நிா்வாக அலுவலகங்களுக்கு அனுப்பி வைக்கப்பட்டு பயனாளிகளுக்கு தீபாவளிக்கு முன்பு வழங்கப்படும் என்றாா்.