வாக்கு எண்ணும் மையத்தில் கடைப்பிடிக்க வேண்டிய விதிமுறைகள்: தோ்தல் அதிகாரி விளக்கம்

வாக்கு எண்ணும் மையத்தில் வேட்பாளா்களின் முகவா்கள் கடைப்பிடிக்க வேண்டிய விதிமுறைகள் குறித்து காங்கயத்தில் தோ்தல் அதிகாரி விளக்கம் அளித்தாா். வாக்கு எண்ணும் மையத்தில் வேட்பாளா்கள் மற்றும் வேட்பாளா்களின் முகவா்கள் கடைப்பிடிக்க வேண்டிய விதிமுறைகள் குறித்த விளக்கக் கூட்டம் காங்கயம் வட்டாட்சியா் அலுவலகத்தில் நடைபெற்றது. இதில், வாக்கு எண்ணிக்கை மையத்துக்கு செல்லும் முகவா்கள் கரோனா பரிசோதனை மேற்கொண்டிருக்க வேண்டும், வாக்கு எண்ணும் மையத்துக்குள் என்னென்ன பொருள்கள் கொண்டு செல்லலாம், செல்லிடப்பேசி கொண்டு செல்லக் கூடாது என்பன உள்ளிட்ட விதிமுறைகளை காங்கயம் தோ்தல் நடத்தும் அலுவலா் ரங்கராஜன் எடுத்துரைத்தாா். உதவி தோ்தல் அலுவலா் சிவகாமி உள்ளிட்டோா் உடனிருந்தனா்.

இதில், காங்கயம் தொகுதி வேட்பாளா்களின் முகவா்கள் கலந்து கொண்டனா்.