40 கிலோ புகையிலைப் பொருள்கள் பறிமுதல்

 வெள்ளக்கோவில் அருகே தடை செய்யப்பட்ட 40 கிலோ புகையிலைப் பொருள்கள் வியாழக்கிழமை பறிமுதல் செய்யப்பட்டன.

வெள்ளக்கோவில், முத்தூா் சாலை, துரைராமசாமி நகரைச் சோ்ந்தவா் நிஜாம் செல்வம் (66). இவா் தனது வீட்டுக்கு அருகில் தேநீா் கடை நடத்தி வருகிறாா். இவா் தனது கடையில் தடை செய்யப்பட்ட புகையிலைப் பொருள்கள், போதை பாக்குகள் விற்பதுடன், மற்ற கடைகளுக்கும் விற்பனை செய்து வருவதாக போலீஸாருக்குத் தகவல் கிடைத்தது. இதையடுத்து வெள்ளக்கோவில் காவல் நிலைய உதவி ஆய்வாளா் விஜயபாஸ்கா் தேநீா் கடையில் திடீா் சோதனை மேற்கொண்டாா். அப்போது அங்கு 40 கிலோ புகையிலைப் பொருள்கள் பதுக்கி வைக்கப்பட்டிருந்தது தெரியவந்தது. இது தொடா்பாக போலீஸாா் வழக்குப் பதிவு செய்து செல்வத்தை கைது செய்தனா்.