ரூ. 36 லட்சத்துக்கு சூரியகாந்தி விதை விற்பனை

வெள்ளக்கோவில் ஒழுங்குமுறை விற்பனைக் கூடத்தில் ரூ. 36 லட்சத்துக்கு சூரியகாந்தி விதை விற்பனை வியாழக்கிழமை நடைபெற்றது.

Updated On :8 ஜூலை 2021, 8:03 pm

வெள்ளக்கோவில் ஒழுங்குமுறை விற்பனைக் கூடத்தில் ரூ. 36 லட்சத்துக்கு சூரியகாந்தி விதை விற்பனை வியாழக்கிழமை நடைபெற்றது.

இந்த வார ஏலத்துக்கு திண்டுக்கல், வேடசந்தூா், பழனி, ஈசத்தாம்பட்டி, தாசவநாயக்கன்பட்டி உள்ளிட்ட ஊா்களில் இருந்து 104 விவசாயிகள் தங்களுடைய 1,352 மூட்டைகள் சூரியகாந்தி விதைகளை விற்பனை செய்யக் கொண்டு வந்திருந்தனா். இவற்றின் எடை 67,019 கிலோவாகும்.

ஈரோடு, காங்கயம், வெள்ளக்கோவில், முத்தூரில் இருந்து 9 வணிகா்கள் விதைகளை வாங்குவதற்காக வந்திருந்தனா். விலை கிலோ ரூ. 44.41 முதல் ரூ. 57.69 வரை விற்பனையானது. சராசரி விலை கிலோ ரூ. 54.89. ஒட்டுமொத்த விற்பனைத் தொகை ரூ. 35 லட்சத்து 54 ஆயிரத்து 675 அந்தந்த விவசாயிகளின் வங்கிக் கணக்குகளில் செலுத்தப்பட்டதாக விற்பனைக் கூடக் கண்காணிப்பாளா் ரா.மாரியப்பன் தெரிவித்தாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News