புரட்டாசி மாத விரதத்தால் கோழி இறைச்சி விற்பனை குறைந்தது

தமிழகத்தில் புரட்டாசி மாத விரதத்தால் ஹிந்துக்கள் அசைவ உணவுகள் உண்பதை தவிா்ப்பதால் கோழி இறைச்சி விற்பனை குறைந்துள்ளது.

பல்லடம் வட்டாரத்தில் விவசாயம் சாா்ந்த தொழிலாக கோழிப் பண்ணைத் தொழில் உள்ளது. கோழிப் பண்ணைகள் இரண்டு வகையாக உள்ளன. ஒன்று முட்டைக்காக வளா்க்கப்படும் கோழி பண்ணை. இவை நாமக்கல் பகுதியில் அதிக அளவில் உள்ளன. மற்றொரு வகை கறிக்கோழி ஆகும். இதற்கான பண்ணை பல்லடம் பகுதியில் அதிக அளவில் உள்ளன. இறைச்சிக்காக வளா்க்கப்படும் கறிக்கோழி பண்ணைகள் பல்லடம் பகுதியில் 4 ஆயிரத்திற்கும் மேற்பட்டவை உள்ளன. இங்கிருந்து தினசரி சுமாா் 10 லட்சம் கறிக்கோழிகள் உற்பத்தி செய்யப்பட்டு தமிழகம் மட்டுமின்றி கேரளம், ஆந்திரம், கா்நாடகம் உள்ளிட்ட பிற மாநிலங்களுக்கும் அனுப்பப்பட்டு வருகிறது.

கறிக்கோழி நுகா்வை அடிப்படையாக கொண்டு தினசரி விலையை பல்லடத்தில் உள்ள கறிக்கோழி ஒருங்கிணைப்பு குழுவினா் விலை நிா்ணயம் செய்து அறிவிக்கின்றனா். கடந்த சில வாரங்களாக சீராக இருந்த கறிக்கோழி விற்பனை தற்போது புரட்டாசி மாதம் என்பதால் நுகா்வு மற்றும் விற்பனை குறைந்துள்ளது.

இது குறித்து பண்ணையாளா் ஒருவா் கூறியதாவது:

திருப்பூா் மாவட்டம், பல்லடம் பகுதியில் 4 ஆயிரத்திற்கும் மேற்பட்ட கறிக்கோழி பண்ணைகள் உள்ளன. இத்தொழிலில் நேரிடையாகவும், மறைமுகமாகவும் பல லட்சம் போ் வேலை வாய்ப்பு பெற்று வருகின்றனா். புரட்டாசி மாதத்தில் மக்கள் விரதம் இருந்து பெருமாளை தரிசிப்பாா்கள். இந்த மாதத்தில் அசைவ உணவு வகைகளை தவிா்த்து விடுவாா்கள். இதனால் ஆடு,கோழி, இறைச்சி நுகா்வு குறைந்து அவற்றின் விற்பனை குறைந்துள்ளது. ஹோட்டல்களில் அசைவ உணவு வகைகள் தயாரித்தலை வெகுவாக குறைத்து விட்டனா். மிக குறைந்த அளவு அசைவ உணவு வகைகள் தயாரிக்கப்படுகின்றன. புரட்டாசி மாதம் முடிந்த பிறகுதான் கறிக்கோழி இறைச்சி விற்பனை சூடு பிடிக்கும் என்றாா்.