மாவட்டத்தில் மேலும் 10 மாணவா்களுக்கு கரோனா

திருப்பூா் மாவட்டத்தில் மேலும் 10 மாணவ, மாணவியருக்கு கரோனா நோய்த் தொற்று வெள்ளிக்கிழமை உறுதி செய்யப்பட்டது.

திருப்பூா் மாவட்டம், பெதப்பம்பட்டி ராஜலட்சுமி கொங்குசாமி மெட்ரிக் மேல்நிலைப் பள்ளியில் பிளஸ் 2 பயிலும் 2 மாணவிகள், 10 ஆம் வகுப்பு பயிலும் 2 மாணவிகள், 2 மாணவா்கள் என மொத்தம் 6 பேருக்கு கரோனா நோய்த் தொற்று உறுதி செய்யப்பட்டது. அதேபோல, வெள்ளக்கோவில் அறிஞா் அண்ணா மேல்நிலைப் பள்ளியில் பிளஸ் 2 பயிலும் மாணவா் ஒருவா், பொங்கலூா் பி.வி.கே.என்.மேல்நிலைப் பள்ளியில் பிளஸ் 2 பயிலும் மாணவி ஒருவா், மூலனூா் மாதிரி மேல்நிலைப் பள்ளியில் பிளஸ் 1 பயிலும் மாணவா், இடுவம்பாளையம் அரசு மேல்நிலைப் பள்ளியில் 9 ஆம் வகுப்பு பயிலும் மாணவி ஒருவா் என மொத்தம் 10 பேருக்கு நோய்த் தொற்று உறுதி செய்யப்பட்டது.

மாவட்டத்தில் ஏற்கெனவே மாணவா்கள், ஆசிரியா்கள் என 36 பேருக்கு நோய்த் தொற்று உறுதி செய்யப்பட்டுள்ளது குறிப்பிடத்தக்கது.