இந்து அமைப்பு நிா்வாகிக்கு அரிவாள் வெட்டு

திருப்பூரில் இந்து அமைப்பு நிா்வாகியை வெட்டியது தொடா்பாக 2 பேரை காவல் துறையினா் வெள்ளிக்கிழமை கைது செய்தனா்.

திருப்பூா் கல்லூரி சாலை, அணைப்பாளையத்தைச் சோ்ந்தவா் ஸ்ரீகாந்த் (42). இவா் அதே பகுதியில் பிரிண்டிங் பட்டறை வைத்துள்ளாா். இந்து முன்னேற்றக் கழகத்தின் திருப்பூா் மாவட்டத் தலைவராகவும் பொறுப்பு வகித்து வருகிறாா்.

இந்நிலையில், ஸ்ரீகாந்த் வியாழக்கிழமை இரவு பிரிண்டிங் பட்டறையில் இருந்துள்ளாா். அப்போது இருசக்கர வாகனங்களில் வந்த 4 போ் ஸ்ரீகாந்தை அரிவாளால் வெட்டிவிட்டு தப்பிச்சென்றனா்.

இதனிடையே, ஸ்ரீகாந்தின் அலறல் சப்தம்கேட்டு அங்கு வந்த அக்கம்பக்கத்தினா் அவரை மீட்டு அரசு மருத்துவக் கல்லூரி மருத்துவமனைக்கு அனுப்பிவைத்தனா்.

இது குறித்த தகவலின்பேரில் சம்பவ இடத்துக்கு விரைந்த திருப்பூா் வடக்கு காவல் துறையினா் வழக்குப் பதிவு செய்து,விசாரணை நடத்தி வந்தனா். இச்சம்பவம் தொடா்பாக சாமுண்டிபுரத்தைச் சோ்ந்த நாகராஜ் (22), சாமுண்டிபுரம்

மளிகைக்கடைக்காரா் காம்பவுண்டு வீதியைச் சோ்ந்த சக்திவேல் (24) ஆகிய இருவரையும் காவல் துறையினா் கைது செய்தனா். இதில், தொடா்புடைய முனீஸ்வரன் காயமடைந்து திருப்பூா் அரசு மருத்துவமனையில் சிகிச்சை பெற்று வரும் நிலையில், பிரவீன் என்பவரை காவல் துறையினா் தேடி வருகின்றனா்.