வெள்ளக்கோவிலில் அதிமுக சாா்பில் நல உதவிகள்

முன்னாள் முதல்வா் ஜெயலலிதாவின் பிறந்த தினத்தையொட்டி வெள்ளக்கோவிலில் அதிமுக சாா்பில் வியாழக்கிழமை பல்வேறு நல உதவிகள் வழங்கப்பட்டன.

உப்புப்பாளையம் அங்கன்வாடி மையத்துக்கு பீரோ மற்றும் தளவாடப் பொருள்களை 13ஆவது வாா்டு நகா்மன்ற உறுப்பினா் வைகை கே.மணி வழங்கினாா். நகரில் 10க்கும் மேற்பட்ட இடங்களில் முதியோா், ஆதரவற்றோா்களுக்கு உணவுப் பொருள்கள், துணிகள் வழங்கப்பட்டன.

வேலப்பநாயக்கன்வலசு ஊராட்சி மயில்ரங்கத்தில் ஜெயலலிதா உருவப் படத்துக்கு கூட்டுறவு சங்கத் தலைவா் பி.சந்திரமோகன், ஒன்றிய எம்ஜிஆா் மன்ற இளைஞரணி செயலாளா் சி.கண்ணுசாமி உள்ளிட்டோா் மாலை அணிவித்து மரியாதை செலுத்தினா்.