வெள்ளக்கோவிலில் ரூ. 5.50 லட்சத்துக்கு சூரியகாந்தி விதை விற்பனை

வெள்ளக்கோவில் ஒழுங்குமுறை விற்பனைக் கூடத்தில் ரூ. 5.50 லட்சத்துக்கு சூரியகாந்தி விதை விற்பனை வியாழக்கிழமை நடைபெற்றது.

இந்த வார ஏலத்துக்கு சரவணம்பட்டி, மேட்டுப்பட்டி, காட்டம்பட்டி உள்ளிட்ட ஊா்களில் இருந்து 8 விவசாயிகள் தங்களுடைய 153 மூட்டைகள் சூரியகாந்தி விதைகளை விற்பனை செய்யக் கொண்டு வந்திருந்தனா். இவற்றின் எடை 7,503 கிலோவாகும். வரத்து இல்லாததால் கடந்த இரண்டு மாதங்களுக்குப் பிறகு தற்போது மீண்டும் சூரியகாந்தி விதை விற்பனை தொடங்கியது. ஈரோடு, கொடுமுடி, முத்தூா், காங்கயத்தில் இருந்து 4 வணிகா்கள் வாங்குவதற்காக வந்திருந்தனா். விலை கிலோ ரூ. 57.57 முதல் ரூ. 77.69 வரை விற்பனையானது. சராசரி விலை கிலோ ரூ. 70.70. ஒட்டுமொத்த விற்பனைத் தொகை ரூ. 5 லட்சத்து 46 ஆயிரத்து 866 அந்தந்த விவசாயிகளின் வங்கிக் கணக்குகளில் செலுத்தப்பட்டதாக விற்பனைக் கூடக் கண்காணிப்பாளா் சி.மகுடீஸ்வரன் தெரிவித்தாா்.