போதை ஒழிப்பு விழிப்புணா்வுப் பேரணி

அவிநாசி வட்ட சட்டப் பணிகள் குழு சாா்பில் போதை மற்றும் புகையிலை ஒழிப்பு விழிப்புணா்வுப் பேரணி அவிநாசியில் வெள்ளிக்கிழமை நடைபெற்றது.

நிகழ்ச்சிக்கு அவிநாசி வட்ட சட்டப் பணிகள் குழு தலைவரும், சாா்பு நீதிபதியுமான சுரேஷ்குமாா் தலைமை வகித்தாா். மாவட்ட உரிமையியல் நீதிபதி வடிவேல், நீதித்துறை நடுவா் நீதிபதி சபீனா ஆகியோா் முன்னிலை வகித்தனா். அவிநாசி குற்றவியல் நடுவா் நீதிமன்ற வளாகத்தில் இருந்து தொடங்கிய பேரணி, சேவூா் சாலை, வடக்கு, கிழக்கு ரதவீதி, பழைய பேருந்து நிலையம் வழியாக புதிய பேருந்து நிலையத்தில் நிறைவுற்றது. இதில், காவல் துறையினா், மூத்த வழக்குரைஞா்கள் சுப்பிரமணியம் , ஈஸ்வரன், ஆறுமுகம், இளவரசு, பிரகாஷ் , கணேஷ்குமாா், அரசு கலைக்கல்லூரி தமிழ்த் துறைத்தலைவா் மணிவண்ணன், வழக்குரைஞா் சங்க உறுப்பினா்கள், நீதிமன்ற பணியாளா்கள், கல்லூரி மாணவ, மாணவியா் உள்ளிட்டோா் பங்கேற்றனா்.