பல்லடம் அருகே தம்பதி தூக்கிட்டு தற்கொலை

திருப்பூா் மாவட்டம் பல்லடம் அருகே வெங்கிட்டாபுரம் மீனாட்சிபுரத்தில் கணவன், மனைவி தூக்கிட்டு தற்கொலை செய்து கொண்டது குறித்து போலீஸாா் விசாரணை நடத்தி வருகின்றனா்.

பல்லடம் அருகே வெங்கிட்டாபுரம் மீனாட்சிபுரத்தைச் சோ்ந்தவா் சிவகுமாா் (50), ராஜேஸ்வரி (46) தம்பதி. இவா்கள் தனது மகன் சந்துருவுடன் (25) வசித்து வந்தனா். சிவகுமாா் சொந்தமாக அருள்புரத்தில் நூல் பின்னும் நிறுவனம் நடத்தி வந்துள்ளாா்.

இந்நிலையில், சிவகுமாா் மற்றும் அவரது மனைவி ராஜேஸ்வரி ஆகியோா் வியாழக்கிழமை வேலைக்கு செல்லாமல் வீட்டிலேயே இருந்துள்ளனா். சந்துரு மட்டும் வேலைக்கு சென்றுள்ளாா். இந்நிலையில், சிவகுமாா் தனது மகன் சந்துருவை தொடா்பு கொண்டு தாய் ராஜேஸ்வரி தூக்கிட்டு தற்கொலை செய்து கொண்டதாக தெரிவித்துள்ளாா்.

தனது தந்தை கூறியதை சந்துரு நம்பவில்லை. இதையடுத்து, ராஜேஸ்வரி தூக்கில் தொங்கியபடி இருந்த புகைப்படத்தை வாட்ஸ் அப்பில் சந்துருவுக்கு அவா் அனுப்பியுள்ளாா். இதையடுத்து, சந்துரு வீட்டுக்கு வந்து பாா்த்தபோது, சிவகுமாரும் தூக்கில் தொங்கிய நிலையில் இருந்துள்ளாா்.

இது குறித்து சந்துரு அளித்த தகவலின் அடிப்படையில் சம்பவ இடத்துக்கு சென்ற பல்லடம் காவல் துறையினா் இருவரது சடலத்தையும் மீட்டு உடற்கூறாய்வுக்காக பல்லடம் அரசு மருத்துவமனைக்கு அனுப்பிவைத்தனா்.

விசாரணையில், சிவகுமாா் புதிய வீடு கட்டுவதற்காக கோவையில் உள்ள தனியாா் வங்கியில் கடன் பெற்றிருந்ததாகவும், கடந்த ஒரு வார காலமாக கடனை வசூலிப்பதற்காக தனியாா் வங்கி ஊழியா்கள் தொடா்ச்சியாக அவரது வீட்டுக்கு வந்து சென்ாக கூறப்படுகிறது.

இது குறித்து சந்துரு அளித்த புகாரின்பேரில், பல்லடம் பல்லடம் போலீஸாா் வழக்குப் பதிவு செய்து விசாரணை மேற்கொண்டு வருகின்றனா்.