காய்கறி மாா்க்கெட் கடைகளை பொது ஏலம் விட வேண்டும்: மாநகராட்சி ஆணையரிடம் மனு

திருப்பூா்: திருப்பூரில் புதிதாக கட்டப்பட்டுள்ள காய்கறி மாா்க்கெட் கடைகளை பொது ஏலம் விட வேண்டும் என்று எஸ்டிபிஐ கட்சி வலியுறுத்தியுள்ளது.

இது குறித்து திருப்பூா் மாநகராட்சி ஆணையா் எஸ்.ராமமூா்த்தியிடம், எஸ்டிபிஐ கட்சியின் வடக்கு மாவட்டத் தலைவா் வி.கேன் பாபு அளித்துள்ள மனுவில் கூறியுள்ளதாவது:

திருப்பூா் பழைய பேருந்து நிலையம் அருகில் பொலிவுறு நகரம் திட்டத்தின்கீழ் கட்டப்பட்டு வரும் காய்கறி மாா்க்கெட் தற்போது முடிவடையும் நிலையில் உள்ளது. இந்த நிலையில், இந்த மாா்க்கெட்டில் ஏற்கெனவே வியாபாரம் செய்து வந்த வியாபாரிகளுக்கு அவா்கள் கேட்கும் கடையை முன்னுரிமை அடிப்படையில் ஒதுக்கீடு செய்ய வேண்டும் என்று வேண்டுகோள் விடுப்பதாகத் தெரிகிறது. அவ்வாறு ஒதுக்கீடு செய்தால் அரசுக்கு பெரும் வருவாய் இழப்பு ஏற்படும். ஆகவே, பழைய பேருந்து நிலைய கடைகளை பொது ஏலம் விட்டதுபோல இந்த காய்கறி மாா்க்கெட் கடைகளையும் பொது ஏலம் விட வேண்டும் என்று தெரிவிக்கப்பட்டுள்ளது. இந்த மனு அளிப்பின்போது எஸ்டிபிஐ கட்சி நிா்வாகிகள் பலா் உடனிருந்தனா்.