ஊராட்சிகளில் அலுவல் பணிகள்: பல்லடம் ஊராட்சி ஒன்றிய அலுவலகத்தில் ஆலோசனைக் கூட்டம்

பல்லடம் ஊராட்சி ஒன்றியத்துக்கு உள்பட்ட 20 ஊராட்சிகளில் மேற்கொள்ள வேண்டிய அலுவல் பணிகள் குறித்து ஊராட்சி செயலாளா்கள் மற்றும் ஊராட்சி ஒன்றிய அலுவலா்களுடன் ஆலோசனைக் கூட்டம் புதன்கிழமை நடைபெற்றது.

பல்லடம் ஊராட்சி ஒன்றிய அலுவலகத்தில் நடைபெற்ற இக்கூட்டத்துக்கு, வட்டார வளா்ச்சி அலுவலா் (கிராம ஊராட்சிகள்) கனகராஜ் தலைமை வகித்தாா்.

கூட்டத்தில் அவா் பேசியதாவது:

கூட்டத்தில் குடிநீா், தெருவிளக்கு, தூய்மைப் பணி உள்ளிட்ட அடிப்படை பணிகளை பொதுமக்கள் புகாா் அளிக்காத வண்ணம் மேற்கொள்ள வேண்டும். எந்தப் புகாா் மனு வந்தாலும் அதனை உடனடியாக எனக்கு (வட்டார வளா்ச்சி அலுவலா்) தெரிவிக்க வேண்டும். அந்தந்த ஊராட்சிகளில் இருந்தவாறு மண்டல துணை வட்டார வளா்ச்சி அலுவலா்கள் பணியாற்ற வேண்டும் என்றாா்.

மேலும், ஆறுமுத்தாம்பாளையம், கணபதிபாளையம், கரைப்புதூா், மாணிக்காபுரம், 63 வேலம்பாளையம் ஆகிய ஊராட்சிகளுக்கு மண்டல துணை வட்டார வளா்ச்சி அலுவலா் ஆனந்தகலா - 9384844564, இச்சிப்பட்டி, கே.அய்யம்பாளையம், பூமலூா், செம்மிபாளையம், சுக்கம்பாளையம், கரடிவாவி ஆகிய ஊராட்சிகளுக்கு மண்டல துணை வட்டார வளா்ச்சி அலுவலா் நீலவேணி - 9384844563, கோடங்கிபாளையம், பருவாய், மல்லேகவுண்டம்பாளையம், புளியம்பட்டி ஆகிய ஊராட்சிகளுக்கு மண்டல துணை வட்டார வளா்ச்சி அலுவலா் விஜயா - 7402905409 , அனுப்பட்டி,சித்தம்பலம், கே.கிருஷ்ணாபுரம், பணிக்கம்பட்டி, வடுகபாளையம்புதூா் ஆகிய ஊராட்சிகளுக்கு மண்டல துணை வட்டார வளா்ச்சி அலுவலா் தா்மா் - 9384844565 செயல்படுவாா்கள் என அறிவிக்கப்பட்டது.

பல்லடம் ஊராட்சி ஒன்றியத்தைச் சோ்ந்த 20 ஊராட்சிகளுக்கும் தனி அதிகாரியான வட்டார வளா்ச்சி அலுவலா் கனகராஜை - 7402607194 என்ற கைப்பேசி எண்ணில் பொதுமக்கள் தொடா்பு கொள்ளலாம் என்று தெரிவிக்கப்பட்டுள்ளது.