முதல்வா் வருகை: டிரோன்கள் பறக்கத் தடை

பெருந்துறையில் செவ்வாய்க்கிழமை (நவம்பா் 3) நடைபெறும் நலத் திட்ட உதவிகள் வழங்கும் நிகழ்ச்சியில் பங்கேற்பதற்காக கோவையில் இருந்து திருப்பூா் வழியாக முதல்வா் ச.ஜோசப் விஜய் செல்வதால், அவா் செல்லும் வழித்தடங்களில் டிரோன்கள் பறக்கத் தடை விதிக்கப்பட்டுள்ளது.

இது தொடா்பாக திருப்பூா் மாவட்ட ஆட்சியா் சி.முத்துக்குமரன் தெரிவித்துள்ளதாவது:

ஈரோடு மாவட்டம், பெருந்துறையில் செவ்வாய்க்கிழமை நடைபெறும் நலத் திட்ட உதவிகள் வழங்கும் நிகழ்ச்சியில் முதல்வா் ச.ஜோசப் விஜய் பங்கேற்கிறாா். இதற்காக சென்னையில் இருந்து விமானம் மூலம் செவ்வாய்க்கிழமை காலை கோவைக்கு வரும் முதல்வா், சாலை மாா்க்கமாக திருப்பூா் வழியாக பெருந்துறைக்குச் செல்கிறாா்.

இதனால், முதல்வா் செல்லும் மாவட்டத்துக்குள்பட்ட பகுதிகளில் டிரோன்கள் பறக்கத் தடை விதிக்கப்படுகிறது. மீறுவோா் மீது கடும் நடவடிக்கை எடுக்கப்படும் எனத் தெரிவிக்கப்பட்டுள்ளது.