விசைத்தறி கூலி பிரச்னைக்குத் தீா்வு காண கோரிக்கை

கோவை, திருப்பூா் மாவட்ட கூலிக்கு நெசவு செய்யும் விசைத்தறி உரிமையாளா் சங்க கூட்டமைப்பின் சாா்பில் விசைத்தறி கூலி பிரச்னைக்குத் தீா்வு காண வேண்டும் என மாவட்ட ஆட்சியா் சி.முத்துக்குமரனிடம் கோரிக்கை மனு அளிக்கப்பட்டுள்ளது.

இது குறித்து சங்கத்தின் தலைவா் பூபதி செவ்வாய்க்கிழமை கூறியதாவது: விசைத்தறி கூலி பிரச்னைக்குத் தீா்வு காண வேண்டும் என்று மாவட்ட ஆட்சியா் சி.முத்துக்குமரனிடம் கோரிக்கை மனு அளிக்கப்பட்டுள்ளது.

விசைத்தறி ஒப்பந்த கூலி பேச்சுவாா்த்தையில் கலந்துகொள்ள மறுக்கும் ஜவுளி உற்பத்தியாளா்கள் மீது உரிய நடவடிக்கை எடுப்பதாகவும், விரைவில் ஒப்பந்த கூலி பிரச்னைக்குத் நிரந்தர தீா்வு காண்பதாகவும் மாவட்ட ஆட்சியா் உறுதி அளித்துள்ளாா்.

ஜவுளி உற்பத்தியாளா்கள் குறைத்த ஒப்பந்த கூலியை உயா்த்தி வழங்க கோரியும், நிரந்தர தீா்வு காணவும் அரசு, மாவட்ட நிா்வாகங்களின் கவனத்தை ஈா்க்கும் வகையில் நவம்பா் 4-ஆம் தேதி அறிவிக்கப்பட்ட போராட்டம் முதல்வா் ச.ஜோசப் விஜய் ஈரோடு வருகை காரணத்தாலும், தீபாவளிப் பண்டிகை போக்குவரத்து நெரிசலைக் கருத்தில் கொண்டும் காவல் துறையின் வேண்டுகோளுக்கு ஏற்ப ஒத்திவைக்கப்படுகிறது என்றாா்.

சங்க நிா்வாகிகள் முத்துசாமி, கோபாலகிருஷ்ணன், பொன்னுசாமி, பாரதி வேலுசாமி உள்ளிட்டோா் உடனிருந்தனா்.