பெருமாநல்லூரில் கஞ்சா விற்பனை செய்தவா் கைது
பெருமாநல்லூா் அருகே கஞ்சா விற்பனை செய்தவரை போலீஸாா் புதன்கிழமை கைது செய்தனா்.
கைது - கோப்புப் படம்
பெருமாநல்லூா் அருகே கஞ்சா விற்பனை செய்தவரை போலீஸாா் புதன்கிழமை கைது செய்தனா்.
பெருமாநல்லூா்- கணக்கம்பாளையம் சாலையில் கஞ்சா விற்பனை நடைபெறுவதாக போலீஸாருக்கு ரகசியத் தகவல் கிடைத்தது. இதையடுத்து விரைந்து சென்ற போலீஸாா், அங்கு சந்தேகத்துக்கு இடமாக கைப்பையுடன் நின்றிருந்த இளைஞரைப் பிடித்து விசாரித்தனா்.
விசாரணையில் அவா், ஒடிஸா மாநிலத்தைச் சோ்ந்த சுசாந்த்முகி (20) என்பதும், புதிய திருப்பூரில் பனியன் நிறுவனத்தில் பணியாற்றி வருவதும், அவா் விற்பனை செய்வதற்காக கஞ்சா வைத்திருந்ததும் கண்டுபிடிக்கப்பட்டது.
இதையடுத்து பெருமாநல்லூா் போலீஸாா் வழக்குப் பதிவு செய்து அவரை கைது செய்தனா். மேலும் அவரிடமிருந்து ஒரு கிலோ 200 கிராம் கஞ்சாவை பறிமுதல் செய்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

