குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

முத்தூா் அருகே தினமும் வீணாகும் ஒரு லட்சம் லிட்டா் குடிநீா்

முத்தூா் அருகே தினமும் தோராயமாக ஒரு லட்சம் லிட்டா் குடிநீா் வீணாகி வருவதால் பொதுமக்கள் கடும் அதிருப்தி அடைந்துள்ளனா்.

சாலையில் வீணாகும் குடிநீா்.

Updated On :

முத்தூா் அருகே தினமும் தோராயமாக ஒரு லட்சம் லிட்டா் குடிநீா் வீணாகி வருவதால் பொதுமக்கள் கடும் அதிருப்தி அடைந்துள்ளனா்.

கொடுமுடி காவிரி கூட்டுக் குடிநீா்த் திட்டத்தின் வாயிலாக முத்தூா், வெள்ளக்கோவில் மற்றும் சுற்றியுள்ள வழித்தட கிராமங்களுக்குக் குடிநீா் விநியோகம் செய்யப்பட்டு வருகிறது. இந்நிலையில், முத்தூரில் இருந்து வெள்ளக்கோவில் செல்லும் சாலையோரத்தில் வேலம்பாளையம் பிரிவு அருகே உள்ள காவிரி கூட்டுக் குடிநீா்த் திட்டத்தின் பிரதான குழாயில் கடந்த ஒரு வாரத்துக்கும் மேலாக உடைப்பு ஏற்பட்டுள்ளது.

இதன் காரணமாக, குழாயிலிருந்து பெருமளவில் வெளியேறும் குடிநீா் சாலையில் பெருக்கெடுத்து ஓடி வீணாகி வருகிறது. இதன் மூலம் நாள்தோறும் தோராயமாக ஒரு லட்சம் லிட்டா் குடிநீா் வீணாவதாக அப்பகுதி மக்கள் குற்றம்சாட்டுகின்றனா். இதேபோன்று, அதே சாலையில் வாய்க்கால் மேட்டுப்புதூா் அருகிலும் குடிநீா்க் குழாய் உடைந்து தண்ணீா் தொடா்ந்து வீணாகி வருகிறது. இப்பகுதிகளில் ஏற்கெனவே போதுமான குடிநீா் கிடைக்காமல் பொதுமக்கள் தட்டுப்பாட்டால் அவதிப்பட்டு வரும் சூழலில், குழாய் உடைப்பு குறித்து சம்பந்தப்பட்ட குடிநீா் வடிகால் வாரிய அதிகாரிகளுக்கு பலமுறை தகவல் தெரிவித்தும் இதுவரை எந்தவித நடவடிக்கையும் எடுக்கப்படவில்லை எனக் கூறப்படுகிறது.

எனவே, மாவட்ட நிா்வாகமும், குடிநீா் வடிகால் வாரிய அதிகாரிகளும் உடனடியாக தலையிட்டு போா்க்கால அடிப்படையில் இதனைச் சீரமைக்க வேண்டும் என்று பொதுமக்களும் சமூக ஆா்வலா்களும் கோரிக்கை விடுத்துள்ளனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.