உடுமலையில் இ-பட்டா கேட்டு வட்டாட்சியரிடம் மனு

உடுமலை வட்டம், சின்னவீரம்பட்டி கிராமம் எம்ஜிஆா் நகரில் வாழ்ந்து வரும் பொதுமக்கள் இ-பட்டா கேட்டு வட்டாட்சியரிடம் செவ்வாய்க்கிழமை மனு அளித்தனா்.

இந்த கிராம மக்களுக்கு ஆதிதிராவிடா் நலத் துறை மூலம் கடந்த 1992-ஆம் ஆண்டு இலவச வீட்டுமனை பட்டாக்கள் வழங்கப்பட்டன. இந்நிலையில் இவா்கள் இ- பட்டா வழங்கக் கோரி உடுமலை வட்டாட்சியா் அருணாவிடம் செவ்வாய்க்கிழமை மனுக்களை அளித்தனா்.

மாா்க்சிஸ்ட் கம்யூனிஸ்ட் கட்சியின் கிளைச் செயலாளா் ஆா்.சுந்தரம், நகரச் செயலாளா் கே. தண்டபாணி, மாவட்டக் குழு உறுப்பினா் ஆ.பஞ்சலிங்கம் உள்ளிட்டோா் உடனிருந்தனா்.