வீட்டுமனை பட்டா கோரி போராட்டம்

பல்லடம் அருகேயுள்ள வடுகபாளையம் ஊராட்சி ஆலுத்துப்பாளையம், வெங்கடாபுரம் கிராம மக்கள் வீட்டுமனை பட்டா வழங்கக் கோரி வியாழக்கிழமை காத்திருப்புப் போராட்டத்தில் ஈடுபட்டனா்.

சமூக ஆா்வலா் பாலசுப்பிரமணியம் தலைமையில் நடைபெற்ற இந்தப் போராட்டத்தில் பங்கேற்றவா்கள் கூறுகையில், பல்லடம் வட்டம், வடுகபாளையம் கிராமத்தில் பூமிதான நிலங்கள் தொடா்பாக வெளியூரைச் சோ்ந்த நபா்களுக்கு பட்டா வழங்குவதற்காக மனுக்கள் பெறப்பட்டு வருவதாக அறிகிறோம்.

வடுகபாளையம்புதூா் ஊராட்சிக்குள்பட்ட பகுதிகளில் பல ஆண்டுகளாக வசித்து வரும் ஏழை, எளிய மற்றும் நிலமற்ற குடும்பங்களுக்கு வீட்டுமனை பட்டா கோரி மாவட்ட நிா்வாகம், கிராம சபைக் கூட்டங்களிலும் மனு அளித்துள்ளோம். ஆனால், தற்போதுவரை எந்தவித நடவடிக்கையும் எடுக்கப்படவில்லை. வீட்டுமனை பட்டா வழங்க அதிகாரிகள் நடவடிக்கை எடுக்க வேண்டும். இதை வலியுறுத்தி போராட்டத்தில் ஈடுபட்டுள்ளோம் என்றனா்.

இதையடுத்து, போராட்டத்தில் ஈடுபட்டவா்களிடம் பல்லடம் வட்டாட்சியா் சரவணன் பேச்சுவாா்த்தை நடத்தி உரிய நடவடிக்கை எடுக்கப்படும் என்றாா்.

இதையடுத்து, அவரிடம் மனு அளித்துவிட்டு அனைவரும் கலைந்து சென்றனா்.