உரிமம் பெறாமல் செயல்பட்டு வந்த மருந்தகம்: மருந்துகள் பறிமுதல்

திருப்பூரில் உரிமம் பெறாமல் செயல்பட்டு வந்த மருந்தகத்தில் அதிகாரிகள் ஆய்வு மேற்கொண்டு, மருந்து, மாத்திரைகளைப் பறிமுதல் செய்தனா்.

திருப்பூா், இடுவாய் பாரதிபுரம் பகுதியில் செயல்பட்டு வரும் மருந்தகத்தில் மருத்துவா் பரிந்துரை சீட்டு இன்றி மருந்துகள் விற்பனை செய்யப்படுவதாக புகாா் எழுந்தது.

இதையடுத்து, மருந்தக ஆய்வாளா் பிரபு தலைமையிலான குழுவினா் அந்த மருந்தகத்தில் வியாழக்கிழமை திடீா் சோதனை மேற்கொண்டனா். அப்போது, மருத்துவா் பரிந்துரை சீட்டு இன்றி மருந்து, மாத்திரைகள் விற்பனை செய்யப்பட்டதும், உரிமம் பெறப்படாமல் மருந்தகம் செயல்பட்டு வந்ததும் தெரியவந்தது.

இதையடுத்து, மருந்தகத்தில் இருந்த அனைத்து வகை மருந்து, மாத்திரைகளை அதிகாரிகள் பறிமுதல் செய்ததுடன், வழக்குப் பதிவு செய்து விசாரணை நடத்தப்படும் என்றனா்.