தாராபுரத்தில் பறக்கும் படையினா் சோதனை

தோ்தல் நடத்தை விதிமுறைகள் அமலுக்கு வந்ததைத் தொடா்ந்து, தாராபுரம் பகுதியில் பறக்கும்படை சாா்பில் தீவிர கண்காணிப்பு மேற்கொள்ளப்பட்டு வருகிறது.

தாராபுரம் சட்டப்பேரவைத் தொகுதிக்கு இடைத்தோ்தல் அறிவிக்கப்பட்டுள்ளது.

இதைத் தொடா்ந்து தொகுதிக்கு உள்பட்ட பகுதிகளில் தோ்தல் பறக்கும் படையினா் மற்றும் அதிகாரிகள் தீவிர கண்காணிப்புப் பணியில் ஈடுபட்டுள்ளனா்.

தோ்தல் தொடா்பான விதிமீறல்களைத் தடுக்கும் வகையில் தாராபுரம், மூலனூா், குண்டடம் உள்ளிட்ட பகுதிகளில் வாகனச் சோதனை தீவிரப்படுத்தப்பட்டுள்ளது. குறிப்பாக, உரிய ஆவணங்கள் இன்றி அதிக அளவில் பணம் எடுத்துச் செல்லப்படுகிா என்பது குறித்து அதிகாரிகள் கண்காணித்து வருகின்றனா்.

தோ்தல் நடத்தை விதிமுறைகள் அமலில் உள்ளதால், தாராபுரம் தொகுதிக்கு உள்பட்ட வியாபாரிகள், வணிகா்கள் மற்றும் பொதுமக்கள் அதிக அளவில் பணம் எடுத்துச் செல்லும்போது அதற்கான உரிய ரசீது மற்றும் ஆவணங்களை உடன் வைத்திருக்க வேண்டும் என அதிகாரிகள் அறிவுறுத்தியுள்ளனா்.