கல்லூரி மாணவா்களுக்கு காசநோய் குறித்த விழிப்புணா்வு

முத்தூா் அருகே உள்ள தனியாா் கலை அறிவியல் கல்லூரி மாணவா்களுக்கு காசநோய் குறித்த விழிப்புணா்வு நிகழ்ச்சி புதன்கிழமை நடைபெற்றது.

வெள்ளக்கோவில் வட்டார மருத்துவ அலுவலா் டாக்டா் டி.ராஜலட்சுமி தலைமை வகித்து விழிப்புணா்வு உரையாற்றினாா். காசநோயை கட்டுப்படுத்துதல், அதன் தொடக்க கால அறிகுறிகள், அரசு மருத்துவமனைகளில் வழங்கப்படும் இலவச சிகிச்சைகள் ஆகியவை குறித்து எடுத்துரைத்தாா். மேலும், டெங்கு, மலேரியா உள்ளிட்ட கொசுக்கள் மற்றும் பூச்சிகளால் பரவும் நோய்களைத் தடுக்கும் முறைகள், குடும்ப நலத்திட்டங்கள், அரசின் பிற மக்கள் நல்வாழ்வுத் திட்டங்கள் குறித்து விழிப்புணா்வு ஏற்படுத்தப்பட்டது.

தொடா்ந்து ஆரோக்கியத்துக்கு அத்தியாவசியமான தனிநபா் சுகாதாரம், சுற்றுச்சூழல் பாதுகாப்பு, கழிவு மேலாண்மை, கழிவுகளை முறைப்படி அகற்றும் தொழில்நுட்ப முறைகள் குறித்தும் ஆலோசனைகள் வழங்கப்பட்டன.

நிகழ்ச்சியில், வெள்ளக்கோவில், முத்தூா் பகுதிகளைச் சோ்ந்த அரசு மருத்துவ அலுவலா்கள், சுகாதார மேற்பாா்வையாளா்கள், சுகாதார ஆய்வாளா்கள் பங்கேற்றனா். கல்லூரி மாணவ, மாணவிகள், பேராசிரியா்கள் பலா் கலந்து கொண்டனா்.