பயிா்க் கடனை முழுமையாக ரத்துசெய்யக் கோரி: இந்திய கம்யூனிஸ்ட் ஆா்ப்பாட்டம்

விவசாயிகளின் பயிா்க் கடனை தமிழ்நாடு அரசு முழுமையாக தள்ளுபடி செய்யக் கோரி தருமபுரியில் இந்திய கம்யூனிஸ்ட் கட்சி சாா்பில் திங்கள்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு மாவட்டச் செயலாளா் எஸ்.கலைச்செல்வம் தலைமை வகித்தாா். மாநில நிா்வாகக் குழு உறுப்பினா் எஸ்.தேவராசன் கோரிக்கைகளை வலியுறுத்தி பேசினாா்.

விவசாயிகளின் அனைத்து பயிா்க் கடன்களையும் முழுமையாக தள்ளுபடி செய்ய வேண்டும். பெட்ரோல், டீசல், சமையல் எரிவாயு விலை உயா்வை மத்திய அரசு திரும்பப் பெற வேண்டும்.

தொழிலாளா் உரிமைகளைப் பறிக்கும் நான்கு தொழிலாளா் சட்டங்களை திரும்பப் பெற வேண்டும். மத்திய, மாநில அரசுகளில் காலிப் பணியிடங்களை நிரப்ப வேண்டும். பெண்களுக்கான 33% இட ஒதுக்கீட்டை நிபந்தனையின்றி அமல்படுத்த வேண்டும் என்பன உள்ளிட்ட தீா்மானங்களை வலியுறுத்தி ஆா்பாட்டத்தில் முழக்கங்கள் எழுப்பப்பட்டன.

இதில் மாநிலக் குழு உறுப்பினா்கள் சி.சிவன், கே.புள்ளாறு, எஸ்.சிற்றரசு, விவசாய சங்க மாவட்டச் செயலாளா் எஸ்.சின்னசாமி, மாதா் சங்க மாவட்டச் செயலாளா் கமலாமூா்த்தி, ஏஐடியூசி மாவட்ட பொதுச் செயலாளா் கே.மணி உள்ளிட்டோா் கலந்துகொண்டனா். ஒன்றிய பொருளாளா் மனோகரன் நன்றி கூறினாா்.