ராணுவப் பயிற்சிக் கல்லூரியில் சேர அழைப்பு

தருமபுரி மாவட்டத்தை சேர்ந்த ஏழாம் வகுப்பு தேறியவர்கள் ராணுவப் பயிற்சிக் கல்லூரியில் சேர்ந்து பயன்பெறலாம் என மாவட்ட முன்னாள் படைவீரர் நலன் உதவி இயக்குநர் (பொ) பிரபாகர் அழைப்பு விடுத்துள்ளார்.
எழுத்துத் தேர்வு வரும் டிச. 1 மற்றும் 2-ஆம் தேதிகளில் நடைபெறவுள்ளது. 2006 ஜூலை 2-ஆம் தேதி முதல் 2008 ஜனவரி 1-ஆம் தேதிக்குள் பிறந்தவர்கள் மட்டுமே விண்ணப்பிக்க முடியும். இதில், ஆங்கிலம், கணிதம், பொது அறிவு ஆகிய மூன்று தேர்வுகள் நடத்தப்படும். அனைத்துப் பாடங்களிலும் 50 சதவீத மதிப்பெண் எடுப்பவர்கள் மட்டும் வரும் 2019 ஏப்ரல் 4-ஆம் தேதி நடைபெறும் நேர்முகத் தேர்வுக்கு அழைக்கப்படுவர்.
பொதுப் பிரிவினருக்கு விண்ணப்பக் கட்டணம் ரூ.600, எஸ்சி, எஸ்டி பிரிவினருக்கு ரூ.550. T‌h‌e C‌o‌m‌m​a‌n‌d​a‌n‌t, RI​MC, D‌e‌h‌r​a‌d‌u‌n என்ற பெயரில் வரைவோலை எடுத்து, உத்தரகண்ட் மாநிலத்திலுள்ள டெகராடூன், ராஷ்ட்ரிய இந்திய ராணுவப் பயிற்சிக் கல்லூரியின் கட்டளைதாரருக்கு அனுப்பி வைக்க வேண்டும். விண்ணப்பம் சென்றடைய வேண்டிய கடைசி நாள்- செப். 30.