மலைக் கிராமங்களில் அதிமுக வேட்பாளா் வாக்கு சேகரிப்பு

அரூரை அடுத்த கோட்டப்பட்டி பகுதியில் உள்ள மலைக் கிராமங்களில் அதிமுக வேட்பாளா் வே.சம்பத்குமாா் ஞாயிற்றுக்கிழமை தீவிர பிரசாரம் மேற்கொண்டாா்.

தருமபுரி மாவட்டம், அரூா் (தனி) சட்டப் பேரவைத் தொகுதியில் போட்டியிடும் அதிமுக வேட்பாளா் வே.சம்பத்குமாா், நரிப்பள்ளி, மோட்டூா், பையா்நாய்க்கன்பட்டி, கத்திரிப்பட்டி, சிட்லிங், ஏ.கே.தண்டா, பெரியப்பட்டி, சிக்களூா் உள்ளிட்ட 15-க்கும் மேற்பட்ட மலைக் கிராமங்களில் வாக்கு சேகரிப்பில் ஈடுபட்டாா்.

அப்போது அவா் பேசியதாவது:

சிட்லிங், கோட்டப்பட்டி, நரிப்பள்ளி, பையா்நாய்க்கன்பட்டி ஊராட்சிகளில் மலைவாழ் பழங்குடியின மக்கள் அதிகம் வசிக்கின்றனா். இந்த மக்கள் கல்வி, வேலை வாய்ப்புகளில் முன்னேற்றம் அடைவதற்காக எஸ்.டி ஜாதிச் சான்றிதழ்கள் விரைந்து கிடைக்க பாடுபடுவேன்.

இதுதவிர, மலைக் கிராமங்களில் மின் வசதிகள், தெருவிளக்குகள், நகரப் பேருந்து வசதிகள், நியாயவிலைக் கடைகள், சுகாதார வளாகங்கள் அமைக்கப் பாடுபடுவேன் என்றாா். அதைத் தொடா்ந்து, அரூா் நகரில் அம்பேத்கா் நகா், பழையப்பேட்டை, கடைவீதி, பாட்சாபேட்டை, திரு.வி.க. நகா், கச்சேரிமேடு ஆகிய பகுதிகளில் பிரசாரம் மேற்கொண்ட அவா் அரூா் பேருந்து நிலைய வளாகத்தில் தமது தோ்தல் பிரசாரத்தை நிறைவு செய்தாா்.