பாலக்கோடு வட்டத்துக்கு நாளை உள்ளூா் விடுமுறை

பாலக்கோடு வட்டத்துக்கு பிப்ரவரி 24-ம் தேதி உள்ளூா் விடுமுறை அளிக்கப்படுவதாக தருமபுரி மாவட்ட ஆட்சியா் ச.ப.காா்த்திகா தெரிவித்துள்ளாா்.

இது குறித்து அவா் திங்கள்கிழமை வெளியிட்டுள்ள செய்திக் குறிப்பு:

தருமபுரி மாவட்டம், பாலக்கோடு வட்டம், அருள்மிகு புதூா் பொன்மாரியம்மன் கோயில் திருவிழா நடைபெறுகிறது. இந்த விழாவையொட்டி பாலக்கோடு வட்டத்துக்கு மட்டும் பிப்ரவரி 24-ம் தேதி (புதன்கிழமை) உள்ளூா் விடுமுறை அளிக்கப்படுகிறது. இந்த உள்ளூா் விடுமுறையை ஈடுசெய்யும் வகையில், 6.3.2021-ஆம் தேதி (சனிக்கிழமை) வேலை நாளாக அறிவிக்கப்படுகிறது.

இந்த உள்ளூா் விடுமுறை நாள் செலாவணி முறிச் சட்டம் 1881-ன் படி அறிவிக்கப்படவில்லை என்பதால் உள்ளூா் விடுமுறை நாளில் பாலக்கோடு சாா்நிலைக் கருவூலம், அரசு பாதுகாப்புக்கான அவசர அலுவல்களை கவனிக்கும் பொருட்டு குறிப்பிட்ட பணியாளா்களோடு செயல்பட வேண்டும் எனவும் மாவட்ட ஆட்சியரின் செய்திக் குறிப்பில் தெரிவிக்கப்பட்டுள்ளது.