காா்த்திகை தீபத் திருவிழா: கோயில்களில் சிறப்பு வழிபாடு

காா்த்திகை தீபத் திருவிழாவையொட்டி, தருமபுரியில் கோயில்களில் வெள்ளிக்கிழமை சிறப்பு வழிபாடு நடைபெற்றது.

தருமபுரி, கோட்டை கல்யாண காமாட்சி அம்மன் உடனமா் மல்லிகாா்ஜுன சுவாமி கோயிலில் காா்த்திகை தீபத் திருவிழாவையொட்டி, அதிகாலை பரணி தீபம் ஏற்றப்பட்டது. இதையடுத்து, மாலையில் சிறப்பு அபிஷேக ஆராதனைகள் மற்றும் வழிபாடுகள் நடைபெற்றன. பின்னா் கொடிமரத்தில் கோயில் அா்ச்சகா் மகா தீபம் ஏற்றினாா். அப்போது ஏராளமான பெண்கள் கோயில் வளாகத்தில் அகல்விளக்கு ஏற்றி வழிபட்டனா்.

இதேபோல தருமபுரி, குமாரசாமிப்பேட்டை சிவசுப்பிரமணிய சுவாமி கோயிலில் காா்த்திகை தீபத் திருவிழாவையொட்டி, அதிகாலையில் பரணி தீபம் ஏற்றப்பட்டு, சிறப்பு அபிஷேகம், ஆராதனை மற்றும் பூஜைகள் நடைபெற்றன. இதைத் தொடா்ந்து இரவு சிவசுப்பிரமணிய சுவாமிக்கு சிறப்பு அலங்கார சேவை நடைபெற்றது. கோயில் வளாகத்தில் சுவாமி திருவீதி உலா நடைபெற்றது. அப்போது சிறப்பு யாக பூஜை, மகா தீபாராதனை நடைபெற்றது. இதில் திரளான பக்தா்கள் சமூக இடைவெளியுடன் பங்கேற்று வழிபட்டனா்.

தருமபுரி, நெசவாளா் நகா், மங்களாம்பிகை உடனாகிய மகாலிங்கேஸ்வரா் கோயில், கடைவீதி அம்பிகா பரமேஸ்வரி அம்மன் உடனாகிய மருதவாணேஸ்வரா் கோயில், ஹரிஹர நாத சுவாமி கோயில், அன்னசாகரம் சிவசுப்ரமணிய சுவாமி கோயில், சவளுப்பட்டி ஆதி லிங்கேஸ்வரா் கோயில் உள்பட தருமபுரி நகரம் மற்றும் ஊரகப் பகுதிகளில் உள்ள அனைத்து கோயில்களிலும் சிறப்பு வழிபாடுகள் நடைபெற்றன. இத் திருவிழாவையொட்டி, தருமபுரி பகுதியில் உள்ள அனைத்து அலுவலகங்கள், வணிக வளாகங்கள் மற்றும் வீடுகளிலும் அகல்விளக்குகள் ஏற்றப்பட்டன.