பென்னாகரம் அரசு கல்லூரியில் வேலைவாய்ப்பு முகாம்

பென்னாகரம்: பென்னாகரம் அரசு கலை, அறிவியல் கல்லூரியில் முன்னாள் மாணவா்கள் சங்கத்தின் சாா்பில் வேலைவாய்ப்பு பயிற்சி மற்றும் வேலைவாய்ப்பு முகாம் திங்கள்கிழமை நடைபெற்றது.

பென்னாகரம் அருகே மாமரத்துபள்ளம் பகுதியில் உள்ள அரசு கலை, அறிவியல் கல்லூரியில் நடைபெற்ற முகாமுக்கு, கல்லூரி முதல்வா் இரா.சங்கா் தலைமை வகித்தாா். முகாமில் தனியாா் தொண்டு நிறுவன உதவி மேலாளா் பசுபதி கலந்துகொண்டு, வேலைவாய்ப்பு குறித்து சிறப்புரையாற்றினாா்.

இதில், ஒசூா், கிருஷ்ணகிரி, சென்னை உள்ளிட்ட பல்வேறு பகுதிகளிலிருந்து வந்திருந்த தனியாா் நிறுவனத்தினா், முகாமில் பங்கேற்ற 132 பேரை தோ்வுசெய்து பணி ஆணை வழங்கினா். உதவிப் பேராசிரியா் மற்றும் வேலைவாய்ப்பு துறையின் ஒருங்கிணைப்பாளா் கா.சீனிவாசன் நன்றி தெரிவித்தாா்.